GBKP Pnambahen Ende-Enden

LIRIK LAGU PEE GBKP “ ‘NGGO KA ME SEH “ 1)‘Nggo ka me seh paksa sidang sinode, Tetap si puji Dibata nge jine. Dage kawalilah min kami tole, Gelah terkelin paksa erbebe, Reff : Kidekah sidang sinodenta enda, Ola min sada pe lit si banggerna, Adi katanalah ban gelementa, Si eteh nga pa isi benar ‘tah dosa. 2)‘Nggo ka me seh paksa sidang sinode Itengah-tengah g’reja gebekape Min si pajekkan kerina si jore Tapi pekena ‘di lit kin si mbole Reff : 3) Sidang sinode paksana bentasi Je olanai min lit si ngagasgasi ‘Di lit la tengteng ras-ras si layasi Ku si mehuli madin ni ayaki Reff : 4) Labo kap dalih gia lit ‘nggo sambar Kinitekennta min tetap la mobar ‘Ban pemereNa man banta nge simper Gelahna kit ape mere melumbar Reff : 5) Bas sidang endalah gia pejore Kune lit denga dahinnta si murde Sababna banci nge k’rina petembe ‘Di b’re Dibatalah gegeh man banta Reff : 6) Siniarapken ni perpulungenNdu Sidang sinode dalanken erluhu Bas perbahanen perlangkah perlagu Gelah kerina pagin ‘nggo sentudu Reff : 7) Dung kenca sidang sinodenta gelah perpulungenNdu reh tambah ergiah Nehken kataNdu man kalak si nilah Maka reh mbarnalah B’rita si M’riah Reff : PEE NO. 1 “ SI PUJI “ 1) Si puji si puji si pujilah lebe Si puji gelarNa si puji me dage Dibata Bapanta si mada Kuasa e Sinasa kerina ‘nggo i tepaNa pe ‘Lah banci kita ‘rdame 2) Si puji si puji si pujilah lebe Si puji gelarNa si puji me dage AnakNa Si Tonggal em Yesus Kristus e Si teklah man baNa ikeliniNa pe ‘Lah ola kita bene 3) Si puji si puji si pujilah lebe Si puji gelarNa si puji me dage Kesah Si Badia Penampat me jine Ib’rena gegehta ngelawan dosa e ‘Lah ola kita kote PEE NO. 2 “ SI PUJI TUHAN, HALELUYA “ 1) Si puji Tuhan, haleluya Si puji dage Tuhan, haleluya Tuhanta Yesus Kristus, haleluya Tuhan Yesus Kristus 2) Anak Dibata, haleluya Anak Dibata Bapa, haleluya Ia juruslamat, haleluya Ia Juruselamat 3) ‘Nggo keke Yesus, haleluya ‘Nggo keke me kap Yesus, haleluya Ibas si mate, haleluya Ibas si mate nari 4) Nggo talukenNa, haleluya ‘Nggo kap italukenNa, haleluya K’maten si rasa lalap, haleluya K’maten si rasa lalap 5) DahiNa surga, haleluya DahiNa me kap surge, haleluya Ku surge rumah Bapa, haleluya Ku surge rumah Bapa 6) ‘Je kundul Ia, haleluya ‘Je kundul me kap Ia, haleluya I kemuhen Dibata, haleluya I kemuhen Dibata 7) ‘Je reh me pagi, haleluya ‘Je reh me Ia pagi, haleluya Reh ku pertibi enda, haleluya Reh ku pertibi enda 8) ‘Ng’ranaken kita, haleluya Ng’ranaken manusia, haleluya Si ’nggeluh ‘tah ‘nggo mate, haleluya Si ‘nggeluh ‘tah ‘nggo mate PEE NO. 3 “LIAS ATE NI TUHANNTA “ 1) Lias ate ni Tuhannta, e lalap man pujin Ras pe kebenarenNa, pebelinlah madin Ku e teh peratenN, ras dosa labo singgur Nggo tetap jujurenNa, si labo banci luntur Edesken batu mamak, enteguh labo mugur Bagem kepeken Kam, ‘nggo tetap ibas bujur 2) Si make pedah Tuhan, e ‘Bas terang me dalinna, la ndele pe ukurna Megedang peratenna, meriah ni akapna Entah mawen mesera, i’tehna Kam Bapana La celus pe nahena, Ia abat perdalinna ‘Ban Tuhan pebelinca, nai nari seh matena 3) Kam kap penundalenku, Kam pematangku kin ‘Ban b’linna kuasaNdu, meparas man pujin Tambah kekelengenNdu, si seh man kami enda Em jadi tahan-turu, aminna ukur near Kelewet gia imbangku, Dibata kap njagasa Kailah kebiarenku, ‘di aku sampatiNa PEE NO. 4 “ KAM BANGSA DONI MARILAH “ 1) Kam bangsa doni marilah Ersurak k’rina dahilah Ku Tuhan tutus min gelah Endeken ‘nde enden si m’riah 2) Ku rumah persembahen min Ijem’ Dibata man pujin KelengNa Ia ‘rkerin-kerin PadanNa labo mobar kin 3) Bapanta erkeleng kepe Ngenehen kita si ni je I’tehNa k’rina suinta e AteNa labo kita bene 4) Si Kristen japa gia pe ‘Nggo pulung k’rina sendah e Reh muji Tuhan Yesus e Si ngk’lini manusia jine PEE NO. 5 “ MERIAHLAH UKURTA MUJIKENCA “ 1) Meriahlah ukurta mujikenca, Dibata Raja mbelin si mulia, Pe b’linken min gelarNa Si Badia, Ban Ia ngerajaisa sinasa, Reff : Maka bujur nge Dibata man pujin, Nai nai nari genduari she pagin, Banta ndaiNa kita k’rina sisuin, Sembah Ia me madin 2) Dagena mari pujilah Dibata Si inget min kerina pemereNa ‘Lah tetap ras megegeh pe tendinta Mehuli me jadina k’rajang jelma Reff : 3) Keg’luhen manusia i doni enda E pas kel bagi dukut perturahna Meter reh angina penggel me batangna Je minter melus masap pe kap ia Reff : 4) Tapina kekelengen ni Dibata La sambar lalap Ia nge kap Bapa SehkenNa banta kinibujurenNa Ban labo ‘teNa mate kita enda Reff : PEE NO. 6 “‘NGGO KENCA SEH IBAS PAKSANA “ 1) ‘Nggo kenca seh ibas paksana Radu ras me kita rende k’rina Si puji gelar ni Dibata M’riah cawir dage ban soranta Reff : Si bas Berita Si Meriah Perukuren tetap min ergiah Bas si la tengka min ternilah G’luh si mbaru ‘lah madin peturah 2) Nggo kenca seh ibas paksana Si penangkih me dage totonta Bersih ras bulat ban ukurta Maka serta kita bas k’rajanNa Reff : 3) Nggo kenca seh ibas paksana Si orati me kata Dibata Idur Pustaka si badia Gelah tambah rusur pengertinnta Reff : 4) Nggo kenca seh ibas paksana Si endesken me persembahenta ‘Lah enda banci min erguna Pebelangken kerajaan Dibata Reff : 5) Nggo kenca seh ibas paksana Si B’ritaken kata ni Dibata Man teman si lenga I’tehna G’lahna ia atan ka ibasSa Reff : 6) Nggo kenca seh ibas paksana Si turiken kerna kecibalta Senang entahsa suhsah gia Maka Ia si ngelayasisa Reff PEE NO. 7 “O BAPA LA TERIMPIT KAM “ 1) O Bapa la terimpit Kam Idas i doni e pe lang Kam saja si ateku ngena La lit sideban erbanca Makana malem si mesera ‘Tah picet entah ku tera Kam lalap pematangku kin K’rajangku la ‘rkerin-kerin 2) Endekenlah ku Kam dage ‘Di mbiar aku ‘tah ndele Meparas Kam me ku kelengi Sabab sangan tengah berngi ‘Nggo iteguNdu aku enda Bas gelap la kap kelesa Ku dalin si mekelek s’nang Ku idah ‘je ayoNdu t’ran PEE NO. 8 “ SUAN KOL “ 1) Suan kol la lit ergana, Suan tomat kena bayung ‘Di cengkih pe labo erbunga Binaga pe la lit lakona Anem page k’rina lambing ‘Tah pe manuk kena bernung Asuh-asuhen pe kerina Enggo ker me kap terdaya Reff : I je pusuhku erbebe Kuja nari perlawesku Maka lit si malemna Ia kap si ngklini aku Ia kapen sekawalku Ibas k’rina pergeluhku Kuendesken man Dibata K’rina perbeben geluhku Ia si pejoresa Pengapul si tuhu-tuhu Enggo tetap me ukurku Ibas k’rina pergeluhku 2) S’kali meseng gia rumahta ‘Tah pe calat k’rina erta Lit keutangen erbinaga Muat dahin pe kap mesera Wari lego seh dekahna Kai pe suan labo mbera Reh me penakit ukur near ‘Nggo tambah-tindih s’ra suina PEE NO. 9 “ PESIKAPLAH UKURTA “ 1) Persikaplah ukurta, Adi ndahi Dibata Ukur si serbut Si lit ‘bas kita Endeskenlah man baNa Reff : Ban Ia si mereken pengadin Makana kita dorek min terkelin Di Yesuslah si bahan man Temannta E tentu malem kel ateta 2) Pesalang pusuhta Adi nembah man baNa Pusuh si gulut, si ndongkelisa Totokenlah ku Ia Reff : 3) Gejapkenlah dosanta Adi ngadap Tuhanta Dosa si runut, si ngampang kita Ampekenlah kempakSa Reff : PEE NO. 10 “ ‘DI REH KENCA PERCUBAN “ 1) ‘Di reh kenca percuban Tuhan Yesus singk’linisa Tambah tindih kini s’ran Minter pindo gegeh baNa Reff : Tuhan Yesus singk’linisa Bas kerina dampar g’luhta Minter pindo gegeh baNa Suhsah entah senang gia 2) Baban geluh paksa gulut Tuhan Yesus singk’linisa Gelah ukur ula serbut Minter pindo gegeh baNa Reff : 3) Sanga rehna keguguren Tuhan Yesus si ngk’linisa Maka lampas dat apulen Minter pindo gegeh baNa Reff : 4) Ibas paksa kegogon Tuhan Yesus si ngk’linisa Gelah ula kerison Minter pindo gegeh baNa 5) Turah kenca aru ate Tuhan Yesus si ngk’linisa Maka pusuh la erbebe Minter pindo gegeh baNa Reff : 6) Gelah aru ate masap Tuhan Yesus si ngk’linisa Maka imbang k’rina merap Minter pindo gegeh baNa 7) Kegeluhen perjabun Tuhan Yesus si ngk’linisa Maun lit la siangkan Minter pindo gegeh baNa 8) Paksa mengket rumah mbaru Tuhan Yesus si ngk’linisa Gelah dame tengah jabu Minter pindo gegeh baNa Reff : 9) Kitik denga gia anakta Tuhan Yesus si ngk’linisa Adi paksa s’kolah denga Minter pindo gegeh baNa Reff : 10) ‘Di ‘nggo tamat sekolahna Tuhan Yesus si ngk’linisa Muat dahin pe kap mesera Minter pindo gegeh baNa Reff : 11) Kune reh pinakit cinep Tuhan Yesus si ngk’linisa Enggo latih ngadep-ngadep Minter pindo gegeh baNa Reff : 12) ‘Di sangana p’nakit nggaya Tuhan Yesus si ngk’linisa Mbue erta ‘nggo terdaya Minter pindo gegeh baNa PEE NO. 11 “ IBAS SURGA DIBATA BAPA “ 1) Ibas surga Dibata Bapa ‘Nggo tepaNa kap sinasa Kita k’rina me isuruhNa Engkelengi njagasa Reff : Dibatanta Si Telu Sada Bapa Anak Kesah Si Badia Em si jadi penundalenta Dingen pas las bas kinitekenta 2) Tuhan Yesus ku doni enda Ndilo kalak si ni bas dosa Gelah jera min kita k’rina Erban sa;ah ras si la tengka Reff : 3) Bage ka Kesah Si Badia ‘Di ‘nggo bengket kubas pusuhta Je megegeh ibanNa kita Ngelawanca kuasa dosa Reff : PEE NO. 12 “ ISE NDIA KALAK ENDA “ 1) Ise ndia kalak enda Rembak ras Tuhanta e I rudang kuidah k’rina Janah ersinalsal pe Ralep alep k’rina je Rende muji Tuhan e Ralep alep k’rina je Rende muji Tuhan e 2) Kalak e ‘nngo itebusina Alu dareh Yesus e Tuhan saja si terpuji Ban keleng ateNa pe Tuhan ngekep k’rina e Rembak lalap rasSa je Tuhan ngekep k’rina e Rembak lalap rasSa je 3) Kusuhsahen inanami Paksa ibas doni e Sui ate iakapi Seh ku kesenangen e Kalak si ‘nggo je kepe Sangap me akapna pe Kalak si ‘nggo je kepe Sangap me akapna pe 4) K’rina ia m’riah rende Muji Tuhan Yesus e Terbegi sorana tangkas ‘Rbanca ate ‘nggo melas Siniayakina e ‘Nggo jumpasa k’rina je Siniayakina e ‘Nggo jumpasa k’rina je 5) Lanai kapen seh man banta Kesuhsahen doni e Lanai jumpa ibas surge Si nuhsahi kit ape Kuasa dosa masap kap Sitik pe lanai gejap Kuasa dosa masap kap Sitik pe lanai gejap 6) Tuhan Dibatanta kapen Si ‘rban ukur malem nge Yesus jadi pengarapen Maba ku bas surga e E’ nggo sangap k’rina je La lit kebiaraen pe E’ nggo sangap k’rina je La lit kebiaraen pe PEE NO. 13 “AKU TEK MAN DIBATA “ 1) Aku tek man Dibata Bapanta La ersibar kuasaNa man banta Sinasana kap enggo tepaNa KelengiNa me kap manusia 2) Aku tek man AnakNa si Tonggal Eme kap Yesus Kristus Tuhannta Enggo mate i uruk Golgota Keke ka nangkih Ia ku surga 3) Aku tek empak Kesah Badia Ngarak-ngarak kecibal geluhta Aku tek lit gereja badia E terkelin kap aku ibasna PEE NO. 14 “ TUHAN YESUS SI PERKUAH “ 1) Tuhan Yesus si perkuah IbabaNa ka pentuah Reff : Malem kel ate kami Adi Tuhan tetap si nampati 2) Tuhan Yesus maba dame Ukur serbut jadi longgae Reff : 3) Tuhan Yesus teman nggeluh IbabaNa tenang pusuh Reff : 4) Tuhan Yesus terang doni Ban ukurNa kin mehuli Reff : PEE NO. 15 “ KATAKENLAH MAN PUSUHKU “ 1) Katakenlah man pusuhku Pepankenlah bas ukurku I demiNdu geluhenku Tetapkenlah pengarapenku Pegaralah kinitekenku Alu Kesah ras KataNdu 2) Si ingetlah wari Tuhan PedahNa e si pakeken B’ritaken Kata Dibatanta Man k’rina bekas tinepaNa Pegaralah kinitekenku Alu Kesah ras KataNdu 3) Kam Tuhan me penampatku Ku’ndesken baNdu geluhku O Yesus Kam me penalemen KuasaNdu me jadi gelemen Pegaralah kinitekenku Alu Kesah ras KataNdu PEE NO. 16 “ TUHAN DIBATA TETAP SI NEMANI “ 1) Tuhan Dibata tetap si nemani Adina sirang gia kita kari Rarasen Tuhan ola kel silahi ‘Lah jump aka pagi kita ngulihi Reff : Sirangkin gia kita tik nari Tuhan Dibata ‘lah ‘ban sinampati She ngayak jumpa kita ngulihi Juah-juahen min kula ras tendi 2) Ibas mentasi k’rina wari-wari Kesah Badia bahan si ngkawali ‘Di setan iblis ‘tehndu nge la uli Sitik pe ola ‘nggit kam idiheri Reff : 3) ‘Tah paksa suhsah gulut gia sekali Minter turiken baNa si terjadi Tentu si serbut banci salangsai ‘Di Tuhan Yesus banndu si ngapuli Reff : 4) Kidekah pusung ndabuh ibas doni Kerna pergeluh labo tersipati Adi dosanta enggo ijelasi E surge naring’ pagi ingan ngadi Reff : 5) La kapen ndekah ‘nggeluh ‘bas pertibi Kerna pelawes la ‘teh katawari Perbahanennta oratiNa ng’ pagi Maka lagunta ‘banlah si mehuli Reff : PEE NO. 17 “TUHANNTA YESUS E I SURGA “ 1) Tuhan Yesus e i surga Nikapken ingan banta kin Begiken Kata Tuhan banta Janahna tek lah kita min Reff : KataNa kap pengapul e Man kalak si tek baNa e KataNa kap pengapul e Man kalak si tek baNa e 2) ‘Di teman ibas doni kepe Ndarami untung bana kin ‘Di Tuhan Yesus labo lapen Tapina ngk’lini kita nge Reff : 3) Iban kekelengenNa banta LawesNa ku das Golgota ItahenkenNa si mesera G’lah kita ola bene ka Reff : 4) Perukur jelma manusia E mobar-obar rusur nge ‘Di Tuhan Yesus labo kapen KataNa ras kelengNa nge 5) O Yesus Kam me teman kami Tegulah kami k’rina min Rajailah gegeh ukur kami Babailah seh ku surge kin Reff : PEE NO. 18 “ O KAM SI ‘BAS KEMATEN SI GELAP “ 1) O kam si ‘bas kematen si gelap Kekeken nina Yesus kap ngerana Begiken , dengkeh ken soraNa me gelah Kekeken ! Si ernala ‘Nak Dibata Reff : Kebiaren mbelin bene nge kam mawen Kekeken pedas ola kel melawen Geluhndu ‘ntisik picet bas dahin Kekeken min dage me jingkat kin 2) O kam kerinana si medem bas dosa Kekeken ! Enggo ndekah me suari ‘Ban lit t’rang Dibata ‘nggo pultak i jah Kekeken ! ‘Nggo ernala nai-nai nari Reff : 3) It’rangi ni Kristus me kapen ukurndu Kekeken ! O perdosa ola lolah Dibata nge kap si ndabuhken ukurndu Kekeken kotes ‘tahsa lanai ndekah Reff : 4) Ertuah kin kalak si ‘rdalin bas terang Kekeken ! Maler kap pasu-pasuNa ‘Di gelap gia jenda megati nge menang Kekeken ! La ‘nggo berngi pe man bana Reff : 5) Man bandu kap sendah nge Tuhan erdilo Kekeken minter, melawenca denggo Medakken o kam si ni bas kematen Kekeken ! Pedah Yesus man paken Reff : PEE NO. 19 “ PERLU SI ‘TEH “ 1) Perlu si eteh entah ise nge si salah Adi sempat kin teremen kalak suhsah Ise nge nda Ia erpapah Kune rembangkin buen jelma si gebah Reff : Min metenget kita ola sempat lolah Si la payo gelah minter si penilah Si mehulilah peturah ‘Lah Dibata si mereken banta tuah 2) Perlu si eteh entah ise nge la tengteng Adi sempat kin teremen si ndehereng Ise ngenda si la tintang Kune rembang pagi mbakbak kita rutang Reff : 3) Perlu si eteh entah ise nge ertaki Adi sempay kin si musil to kohi Ise ngenda si la uli Kune rembang t’remen si rate mesui Reff : 4)Perlu si eteh entah ise nge si latlat Adi sempat kin megati jelma rubat Ise ngenda biakna ilat Kune rembang si megombang Reff : 5)Perlu si eteh entah ise nge si nipu Adi sempat si mesera tebu-tebu Ise ngenda si la malu Kune rembang kita k’rina banna juru Reff : 6) Perlu si eteh entah ise nge la payo Adi sempat kin enterem si ergogo Ise ngenda si mehado Kune rembang kalak bujur pe itangku Reff : PEE NO. 20 “ OLA MBIAR “ 1) Ola mbiar ota neh Ersurak dingen meriah Sabab mbelin perbahanenNa TinepaNa si rejin Reff : Lukuten jadi melala pagena Ras pekeben jadi simpar isina Lukuten jadi melala pagena Ras pekeben jadi simpar isina 2) Ola min ukur cengkal Asuhen i tengah mbal-mbal Sabab simpar dukut meratah Batang kayu erbuah Reff : 3) Mari kita kerina Ersurak kempak Dibata Ni sehkenNa liat ateNa Susur udan man banta Reff : PEE NO. 21 “ SI BAS DOSA KIN ERCEBAH “ 1) Si bas dosa kin ercebah Ola nai min dage pedekah-dekah Tuhan Yesus ‘nggo ertenah ItimaiNa me kam wari si sendah Reff : Minter dahi Tuhan Yesus si melias Je turiken k’rina dosa alu telkas ‘Lah darehNa mbersih kenca seh me likas Maka banNa enggo kelas 2) Gia ‘nggo luka iban dosa Ibas Tuhan ‘nggo lit me kap tawarna Ia ban si pekenasa Gelah ola pagi jumpa kelesa Reff : 3) ‘Nggo buen kap si la uli Kusilahi megati si mehuli Adi dosa si ngkapiti Ban si e’teh lanai tersasap nari Reff ; 4) Yah dahiken ola mela Man jumpan si melias nge kap Ia Sabab adi melawenca Lepas ka kari dungna bas paksana Reff : 5) Ibas Tuhan ukur nggintar Lagu-langkah lanai bo kapen lalar ‘Di KataNa jadi ajar Kuasa iblis pe dungna enggo nartar Reff : 6) Kune lit kalak si jera Robah ka ibas lagu ras langkahna Rende me malekat k’rina Enggo tambah jine k’riahen surge PEE NO. 22 “ TUHAN SI ‘NGKAWALISA “ 1) Reff : Tuhan si ‘ngkawalisa Ibas k’rina kecibalta Kegeluhen reh ulina ‘Di ernalem man baNa Rusur kami iperngas Labo kapen lengas Kami kerna perligas Labo kuidah erbekas 2) Reff : Rusur kami itatas Lalap kuidah ertunas Kami pe kena guas Labo sempat meculas 3) Reff : Rusur kami iperjat La kel ‘nggo sempat pinat Lit gia si mekpeki La ‘te kami mesui 4) Reff : Rusur pe lit si nggasgas Labo ‘te kami ngilas Lit gia si ngisak-ngisak Labo ni akap sedak 5) Reff : Rusur pe lit si nggege Lalap nge kami rende Lit si ercian ate Labo ‘te kami ndele PEE NO. 23 “ DIBATA KAP NJAGAISA “ 1) Dibata kap njagaisa gedang berngi Sangana aku medem nderbih nai Je medak aku bas erpagi-pagi gelarNdu ku pebelin ras kupuji Reff : Wari enda wari ni Dibata ale Sialoken janah m’riahlah ukurta Dage baNa ‘ndesken keg’luhennta ale Bas nembah muji g’larNa si badia 2) Kawali dage aku gedang wari Meriah ‘tahsa gulut gia sekali Pesalanglah ukurku genduari ‘Lah banci kulakoken si mehuli Reff : 3) Temani ibas aku ngelayasi Dahin si lenga tembe si kudahi Si murde gelah banci salangsai B’rekenNdu bangku gegeh lako ndungi Reff : 4) TuahiNdulah sanga aku encari Muat asam kegeluhen teptep wari Gia iblis ng’rimrim la erngadi-ngadi Ras kam tentu kurku enggo sipi PEE NO. 24 “ SI SEHKEN BUJUR MAN DIBATA “ 1) Si seh ken bujur man Dibata Nakan pangan enggo me sikap Gelah si pindo tuahiNa Mereken gegeh banta lalap Reff : Adi ‘nggo seh gia paksa man Dibata saja si muliaken Perbahan Ia nge si ndudurken Emaka baNalah kita ersukuten 2) Man si nikapken nakan enda Enggo me kuskas ndahikenca Arak-arakndu kecibalna Ras pasu-pasu pencarinna Reff : 3) Gia kadenta pe melala Labo kap payo riba-riba Madin si ingetlah temannta ‘Nggo deba lume kel busanna Reff : 4) Kune lit kenca kin temannta Sangana gulut bas geluhna Sampati min asa ngasupta Bagi pedahken ni Dibata PEE NO. 25 “ TUHAN DIBATA SI PERKUAH “ 1) Tuhan Dibata si perkuah Kami si jenda enggo e lah SiberekenNdu ras petuah Ergaken kami enda gelah Reff : Adina enggo e lah man Kune lit gia percuban Maka ukurta e tetaplah min sapa 2) Aminna daging gia sikap Meriah k ape ibas nggeluh Kerina enda labo t’rakap ‘Di perukuren la nteguh Reff : 3) Adina besur gia beltek Nakan tendinta k ape inget Maka ukurta la melitek Biak si nggesuh ni penimpet Reff : 4) ‘Tah kai kin gia si terjadi Kerna si enda la ‘teh kami Adi kesahNdulah nemani E enggo tetap ukur kami Reff : PEE NO. 26 “ IBAS NDALANI PERDALANEN NGGELUH “ 1) Ibas ndalani perdalanen nggeluh Kiniseran pe reh megati ngupuh Si cengkal ukur ras si mambur iluh BereNdu teneng gelah banci tunduh Reff : Kesah ras daging rikut pe ras tendi Kempak Dibata k’rina ‘ndesken kami Emaka Kam lah tetap si ‘ngkawali ‘Lah daging bugis bas medak pe pagi 2) Segedang wari kami enggo labuh Paksana medem enggo me kap seh IkawaliNdu min sangana tunduh ‘Lah suang gegeh adi banNdu badeh Reff : 3) Sima-simangku ndeher entah ndauh Lit nge si kote deb aka megegeh Lit si meriah deba lit nge nderkuh Bas berngi enda kepkek gelah paguh Reff : PEE NO. 27 “ SI ENDEKENLAH ‘NDE-‘NDEN SI MERIAH “ 1) Si endekenlah ‘nde-‘nden si meriah Man Tuhannta si ‘nggo tubuh bas pelangkah Sabab patut nge k’rina kita nembah Ban babaNa terang ngaruh ras petuah Reff : Dage mari kita kerina ‘Lah si puji gelar Dibata Ula na iukur erbera Tuhan Yesus me kap Rajanta 2) Tuhan Yesus metunggung dat pujin Perban Ia si ngajari kita kin Kek’lengenNa la erkeri-kerin Adi pakelah pedahNa seh pagin Reff : 3) Gelgel nari suratken nabi-nabi Reh me s’kalak si nampati ku pertibi Em pemere idur Dibata nari Enggo tubuh i Betlehem tengah berngi Reff : 4) Tuhan Yesus kuinget min Kam rusur ‘Lah babaiNdu pergeluhku ku si bujur ‘Di bage kiniteken la erkusur Enggo paguh gia lit rusur si ngugur Reff : PEE NO. 28 “ MULA-MULA DONI E “ 1) Mula-mula doni e Rende me malekat je ‘Ban sinasa lit tetap Tuhan sinembesa kap 2) Sanga tubuh Yesus e Muji ka malekat je ‘Lah perdosa terkelin Ia jadi musil kin 3) E erkata ka pagin ‘Nde-enden malekat kin ‘Di ku doni mulih pe Tuhan si mulia e 4) Oh mejile sora e Sabab em biakna pe K’rina sora anak t’rang Ngena ate Tuhan kang’ 5) ‘Lah sirasken rende min Kasa ‘rsora lit pagin Min babahku atan je Rende ras i surge pe PEE NO. 29 “ EME KAP WARI SI MBELIN “ 1) Eme kap wari si mbelin I b’re Dibata banta kin AnakNa reh ku doni e Si inget min kelengNa 2) Tersinget kap enggo ndekah Tuhannta nusur me gelah Pertibi enda la bene E tek me kita la pe 3) Pujin si reh ku doni e Ende-endenta baNa pe Gelah me salih kita min ‘Nggo jadi anak Tuhan kin PEE NO. 30 “ SENDAH WARI PASKAH “ 1) Sendah wari Paskah m’riah ukurta Yesus enggo keke tangkas kuasaNa Sendah wari Paskah malem ateta Yesus enggo keke nebus si dosa Reff : Surak haleluya o haleluya Yesus enggo menang kita pe senang 2) Ngerayaken Paskah bas kegeluhen Yesus sisaksiken bas perbahanen Maba keriahen ras pengarapen Yesus sisaksiken ras sipembarken 3) S’lamat wari Paskah bas wari enda M’riahlah ukurta sembah Dibata Sangap kita banNa dame pusuhta ‘Nggo italukenNa k’rina musuhta PEE NO. 31 “ SI RASKENLAH SI PUJI K’RINA “ 1) Si raskenlah si puji k’rina Tuhanta ras kiniulinNa ‘Ngkunduli kursi kerajan Ku je ukurta min siban Ijem kepeken erta e Si namakesa nga pen e Ijem kepeken erta e Si namakesa nga pen e 2) ‘Di la kel nge Pengulunta Si bujur saj ban gurunta E kita ginemgemNa kap Si arus ngikut pe tetap ‘Nggo ipesaiNa dalin e Ku surga kitalah dage ‘Nggo ipesaiNa dalin e Ku surga kitalah dage 3) Mengenggeng ndube ibas suhsah Kuga pe ilawaNa dosa Mahanca dungna enggo menang ‘Nggo kundul me ibas terang Si ikut-ikutlah dage Man banta pe upahna e Si ikut-ikutlah dage Man banta pe upahna e 4) Tuhan sampati aku lalap Itawin doni aku kuakap La ngasup aku ngelekasa ‘Tah lalap denggo mesera KesahNdu man penundalen Emaka Kam kuikutken KesahNdu man penundalen Emaka Kam kuikutken PEE NO. 32 “ NUSUR MIN O KESAH TUHAN “ 1) Nusur min o Kesah Tuhan Bengket ku pusuhku e Maka Kata sini suan Turah ras erbuah pe Kami bas Dibata nari Kep-keplah ukurku min Pasu-pasu pendahin Maka aku genduari Ndaram tuah si tetap Alu ate si telap 2) Kam banana kegeluhen Si mahanca ukur t’rang Kam si jadi persuruhen ‘Lah K’rajanNdu ‘nggo menang Maka perpulung kari Tutus ngikut Yesus kap Janah Ia ‘mpeserap Ibas dosa doni nari Jadi dungna me bage Bagi Kam badia pe 3) T’rang Badia ras Penuduh Dalin kegeluhen e Ajar kami maka mubuh Kami arah Kam kepe ‘Lah ersada ras Dibata Maka aku tutus e Rembak min ras Kristus pe Seh me dungna lanai lata Haleluya ‘lah pujin Asa lalap baNdu min PEE NO. 33 “ O KESAH SI BADIA “ 1) O Kesah si Badia Pegaramin apiNdu Bas pusuh kami k’rina Si ‘nggo dat pendiloNdu 2) Talangi pinggel kami Terangi pusuh kami Petetap ukur kami Ngaloken pendiloNdu 3) SuruhNdu kami k’rina Peseh ku tampak doni KataNdu s meherga Gelah Kam ermulia PEE NO. 34 “ PASU-PASU O TUHAN “ 1) Pasu-pasu o Tuhan Kalak si atena ‘njabuken bana Meciho suara-suarana Sada kap pengarapenna Reff : ‘Di ‘nggo pulung kita ijenda Naksiken lakon perjabunna Dage mari kita kerina Si pindo perkuah ateni Dibata 2) TuahiNdu o Tuhan Adi enggo tampak ia reh duana Erpadan ibas geluhna Suhsah senang tetap sada Reff : 3) KawaliNdu o Tuhan Paksa wari-wari si betasina Ras rumah si inganina Ndauh mara ras kelesa Reff : 4) BegikenNdu o Tuhan Enda radu ras toto kami k’rina ‘Lah tetap min itandaina Kam nge tuhu kap Bapana Reff : 5) PetetapNdu o Tuhan Kune lit ukurna kin pagi near PedahNdu tetap pakena La erleka pe jabunna Reff : PEE NO. 35 “ IPASU-PASU TUHAN “ 1) Ipasu-pasu ni Tuhan Dibatandu Kam si dilaki bagepe si diberu ‘Di Tuhan Yesuslah tetap temueNdu Gedang geluhku la kam er medu-medu Itadingkenndu me kap orangtuanta Segelah tumbuk ersada duana Adina enggo persadaken Dibata Lanai arusna sirangken manusia 2) Si kelengina kin tetap ndeharana Keleng atena bandanna k ape tole Dagena ola merampus kam kempaksa Madin persada gelah ukurndu jine Dage ikutken kata perbulangenndu Perbahan ia nge kap penghulu jabu Gelgel mehangke dingen tegel ukurndu Tentu jabundu pe tetap nge erluhu 3) Dame ni Kristus min ringan bas pusuhndu Si ngerajaisa perlangkah ras perlagu Si ‘ngkawalisa dingen si masu-masu Alu bage nge maka malem atendu Tutus dagena laws ku perminggun Bage pe tampak kam rehku perpulungen Emaka Tuhanlah jadi penggurundu La banci lang ! Lalap ersinalsal jabu PEE NO. 36 “ SI NJABUKEN BANA “ 1) Si njabuken bana ndatken pasu-pasu Bas Dibata nari e min arapkenndu Kata Tuhan Yesus nggeluh ibas jabu TerangiNa pusuh malem me atendu Reff : Si ajar-ajaren Radu ras si keleng-kelengen Si sampat-sampaten Sada ukur maba kegeluhen Tengah-tengah jabu Tuhan Yesus jadi persukuten Gelah min pe pagi perjabunndu banci man usihen 2) Bagi Tuhan Yesus kempak perpulungen Ras bandanna jine enggo ib’rekenNa Bage arus kepe s’kalak perbulangen Bas erkeleng ate kempak ndeharana Reff : 3) Ndehara si pantaslit ukurna saber Lit gia perbeben la ukurna monce Perkeleng atena terus kapen maler Ras perbulangenna nggeluh ibas dame Reff : 4) Adina Dibata enggo masu-masu Si engkawalisa ibas perjabun Perdalinen nggeluh malem kel atendu Rembak ras Dibata la kam kemalun Reff : PEE NO. 37 “ AJAR AKU O TUHANKU “ 1) Ajar aku o Tuhanku Make kata ras pedahNdu Kueteh payo ras sentudu Ku ikutken bas geluhku Reff : Si ngikut pedah Dibata Daten me kerembakenNa Pedah Kata tangkas k’rina Em jadi gelementa 2) Tatah aku genduari Arah dalin simehuli Lalap min kam kutimai Gelah aku iapuli Reff : 3) Kekelengen ni Dibata La ersibar seh man banta Anem gia papak kita Dalin jera tuduhkenNa Reff ; 4) Kalak si tegu Dibata Em si lembab bin ukurna Man si nembah rusur baNa Ukum ajarkenNa banta Reff : 5) Mata ukur nare baNa Gelah peratenNa siangka Adi g’luhta ikepkenNa Tentu malem kel ate Reff : PEE NO. 38 “ KALAK SI NGEPKEP PERPULUNGEN “ 1) Kalak si ngepkep perpulungen Ndehara arus sada ngenca Biakna lakap erpadangen Dirina pe terkuasaisa 2) Kalak si ngepkep perpulungen Arusna m’lias man tandangen Biak perampang la pakena Si payo rusur ajarkenna 3) Kalak si ngepkep perpulungen Arusna sikel kedamen Biak si murde pesikapna Naberi pe idahikenna 4) Kalak si ngepkep perpulungen Arusna la mata duiten Biak pemabuk labo ia Rumatna tetap ijagana 5) Kalak si ngepkep perpulungen Arusna tutus erdahin Biak jabuna la njuruken ‘Ban sikap ia bas ngajarken 6) Kalak si ngepkep perpulungen Arusna man ikuten Biak si nggesuh ‘nggo tadingken Pakena rusur kehamaten PEE NO. 39 “ ERBAHAN DOSA ME BENANA “ 1) Erbahan dosa me banana Ije turahna akap mela Tapi ‘di la kin sempat jera Sibagi die enggo cilaka Reff : Kai kin si rarang ni Dibata Man kemelanken si e kerina Ola perturah biak dosa Ibas geluhta 2) Kalak si labo meteh mela Labo i’tehna kai si ceda Temanna ras kade-kadena Seh banci juru peng’lakona Reff : 3) Subuk medanak ‘tah metua Kalak perpangkat ‘tah perjuma Adina lit kin meteh mela Langketi dosa me geluhna Reff ; 4) Kepeken enggo nai-nai nari Lit me kap cian bas pertibi Biak si enda la mehuli Adi ipajuh ras asuhi Reff : 5) Kune ‘di lit pekulah-kulah Min olanai pedekah-dekah Madin meterlah ia robah Maka geluhna ‘nggo erpapah Reff : 6) Adina lit meganjang rukur Ola min e pejangjang rusur Madin meterlah min ikusur Ku si mehuli dingen bujur Reff : PEE NO. 40 “ BAPA KAMI SI NI SURGA “ 1) Bapa kami si ni surge G’larNdu pe badia min Reh lah min kinirajanNdu Seh lah min bagi p’ratenNdu I doni enda bagi ni surge B’reken kami nakan cukup ‘Bas wari sendah enda AlemiNdu salah kami Bagi ni alemi kami Salah kalak si lit man kami Ola min kami Ibaba Kam ku bas percuban Tapi olangilah kami idur si ilat nari Kam kap simada Kinirajan bagepe kuasa Ras kemulian si ndekahna Amin PEE NO. 41 “ LIAS ATE “ 1) Lias ate Tuhan Yesus Kristus Kekelengen ni Dibata Bapa Kerembaken Kesah si Badia Min ras kita k’rina Amin PEE NO. 42 “ ISURUH DIBATA “ Reff : Isuruh Dibata si keleng-kelengen Si sampat-sampaten asa kengasupen Mbue me kap tuhu si man bahanenta Radu ras kerina kita ndahi kenca 1) Palas tanam pati em ate mekuah Ngusih Tuhan Yesus enggo kap nampati Meriah ukurta ate man pulah Masap kebiaren ‘je dat ate jadi Reff : 2) Reff : Kalak si ngikutken kata Tuhan Yesus Terangina doni ras k’rina isina Tegulah temannta ola celus Si tuduhken dalin ola mampa 3) Reff : ‘Bas nampati teman la ngarapken balas Pusuh peratenta aruslah meciho Tuhan ersimulih ibereNa lampas Sangapen kap mere asang kita ngalo PEE NO. 43 “ TALENTA “ 1) Talenta sini b’reken Dibatanta Jadi min erlipat ganda Tutus ateta ndahiken dahinNa Amin pemberat tapina ermulia Reff : Kalak si malang nandangi Tuhan Lakap ‘nggit nimbak labo ‘nggit nogan Maka dahinken ‘lah alu tutus Ola lakoken alu mekarus 2) Geluhta babo doni la kel ndekah Ola min kita nggit nilah Gia ‘ncubai setanna si ngerah Juruslamat erbanca kita pulah Reff : 3) Ersadalah min arihta kerina Make kata ras pedahNa Gelar ni Tuhan ‘lah tetap mulia Ije me t’ridah ibas lagu-langkahta Reff : 4) Ulihna lit kap bas Tuhan Dibata Mulia rikut mehaga Adi perkisat la kel lit gunana Jelma mejingkat maka ngena ateNa Reff : PEE NO. 44 “ NJALA ENTAH RANI “ 1) Njala entah rani nina e Anding adingen nge kap e Nina Tuhan Yesus dage: “Dahikenlah dahinNdu genduari e” Ninta min kerina ale: “Ije nda aku o Tuhan Suruhlah dage Dage amburkenlah jalanta Ulanai min lit sierdalih Ije makana simpar kek’lengenta Gelah lanai banci salih 2) Di’ mbelang si man peranin Janah kita mesi ranisa Kalak sideban pe lanai suin Perbahan Yesus si madasa 3) Dagena ota si b’ritaken B’rita si meriah man teman Gelah lanai lit ibas kegelapen Dingen lanai lit si tertaban 4) Di ‘nggo kataNa si pakeken Ras pedahNa pe si dalanken Ije me t’ridah buah kiniteken Gelar Dibata imuliaken PEE NO. 45 “ SIBERITAKEN BERITA SI MERIAH “ Reff : Siberitaken Berita si Meriah Ku kalak latih sin dele ‘tah pe lolah ‘Bas si la payo kerina banci robah Adi Dibata si m’reken sepang luah 1) Enterem denga kalak si kel sehen Perbahan jumpa rusur kebiaren Piah lanai bo ‘tehna petumburen Ndaram-ndarami ingan man tundalen 2) Reff : Enterem jelma mbue erbagena Lit deba rubat rusur sapih ia Sura-surana lalap ib’linkenna Kata Dibata ndauh nge kap rassa 3) Reff : Lit denga ka nge deba kalak jore Ibas geluhna labo jumpa dame Perukurenna rusur monce-once Ban kekelengen labo ‘nggo ipake 4) Reff : ‘Di jelma gutul la terbeligai Si nebu-nebu e pe kap merari Kalak erjentik la erngadi-ngadi ‘Tah perubaten lit nge teptep wari 5) Reff : Anem pe mbelang si man peranin Si mehulina minter muat bagin Emaka ola sidalih-dalihen Banci nge dungi adi sir as-rasken 6) Reff : Tuhan Dibata keleng ‘tena k’rina Maka dilona jadi rarasenNa B’rita si m’riah kita pembarkenca Tentu terpuji gelar ni Dibata PEE NO. 46 “ ENGGO ME MENTAS KAP TUHAN SI MALE “ 1) Enggo me mentas kap Tuhan si male Sini ku puji Dibata nge jine Dage kawalilah min kami tole Gelah terkelin bas paksa erbebe Reff : Mentasi wari bas tahun si enda Ola min sada pe lit sibanggerna Adi oratilah rusur KataNa Si eteh nge dungna si benar ‘tah dosa 2) ‘Nggo gia tadingken tahunna si male Lit si meriah lit ka nge sin dele Lit ka si jore buen denga si kote ‘Di kiniteken min ola seh mbole Reff : 3) Tahun si male ‘nggo lewat bentasi Tahun si mbaru sangana dalani Je olanai min lit si nggasgasi Ku si mehuli madin ni ayaki Reff : 4) Labo kap dalih gia tahun ‘nggo sambar Kinitekennta min tetap la mobar ‘Ban pemeraNa man banta nge simpar Gelahna kit ape mere melumbar Reff : 5) Bas tahun enda lah gia pejore Kune lit denga dahinnta si murde Sababna banci nge k’rina petembe ‘Di b’re Dibata lah gegeh min tole Reff : 6) Si ni arapken bas tahun si mbaru Min lalap nggeluh bas kami kataNdu ‘Lah banci robah perlangkah-perlagu Bas si la payo ilebe-lebeNdu Reff : 7) Ibas Tahunna si mbaru enda gelah PerpulungenNdu reh tambah ergiah Nehken kataNdu man kalak si nilah Maka reh mbarnalah B’rita si m’riah Reff : PEE NO. 47 “ SALAM RAS MEJUAH-JUAH “ 1) Salam ras m’juah-juah kam Toto kami nemanisa Sangap bas perdalinenNdu Dibatalah sinaruh kenca Reff : Ingetlah min ‘di ertoto kam Kami ijenda kerina Tuhan Dibata nemani kita Rasa lalap rasa lalap e 2) Ibas ingan si ndauh pe Min tetap kinitekenndu Ikutken Kata Tuhannta Dibata tetap penggurunndu Reff : 3) Nande bapa kekelengen Nggeluh bas erpengarapen Doni ingan perlajangen Metenget kam man si jahat e Reff : 4) Tuhan si mada geluhta Ia si nepa doni enda La lit kap persirangennta Dibata me pejumpa kita Reff : PEE NO. 48 “ OH ANDIKO JILENA “ 1) Oh andiko jilena, tinepa Dibata Subuk pertibi enda, ras isina k’rina Deleng si meratah kerangen Perik-perik rende kabangen Andiko jilena si banNa Seh kel kap ulina Reff : Emaka tanggarlah min kita jelma Ola melasang, ola meturdaksa Lit tenah kata pedah ni Dibata Jaga kelengi, k’rina tinepaNa 2) Ah andiko cedana, si tepaNa ndube Penggaya iblis ‘rbanca, jelma rate-rate Uruk si megersing meturban Rudang ‘nggo merapak i mbalbal Andiko mekelek cedana Bekas tinepana Reff : 3) Ah andiko kelsehen, ‘ban tinepa mbernge ‘Ban ketulahen maka, dungna jelma murde ‘Nggo megembur layo meserge Rudang ‘nggo merapak I mbalmbal Andiko kelsehen nge kepe, Sinasana ndele Reff : 4) Oh andiko mulihken, min jilena ndube ‘Lah doni enda k’rina, la erkune-kune Lit tinepa ceda petembe ‘Tah pe rudang melus pejore Andiko gayangna kepeken ‘Di tinepa ‘rdame Reff : 5) Oh andiko riahna, doni si’nggo mbaru Aloken Yesus Tuhan, Juruselamatta ‘Lah rubia njingkang La m’lence Perturah senuan la lengke Andiko riahna ras Tuhan Pusuh pe la nggine Reff : PEE NO. 49 “ KUGA KIN NDIA SURA-SURA NI DIBATA “ 1) Kuga kin ndia sura-sura ni Dibata Nandangi kita manusia pertibi enda Jaga kelengilah kerina tinepaNa ‘Lah ula kita mekelesa Ibas ngerabi ciluki k’rangen tua ‘Nggo jadi jajat piah meseng sinasana Cimber meseng ‘nggo ngulungi ‘nterem jelma Turah penakitna mate k ape lit nge deba 2) Wari perlego pe kap terketes nge si turah Senuan-senun pe terketes nge si turah Lit pe si turah enggo kurang si erbuah Je reh teremna kalak lapar ras si suhsah 3) Adina radas kin tabahi batang kayu Erbanca uruk pe ras deleng bagi tabu Piah enggo sapsap kin arusna tahan-turu Reh kenca udan minter naring’ ng’raja lau 4) Ibas nggasgasi ‘di la kenca kita robah Tambah teremna rusur kalak erban ulah Lau si maler pe kap dungna pagi kerah Si gelgel malem genduari jadi ngisah 5) ‘Tah ‘ban alerken rusur lau si la payo Enggo megembur si nai nari kin meciho Ngidah binurung pe ateta ‘nggo megogo ‘je kalak ridi pe lanai bo pang ku layo 6) Perik si kabang pe ‘nggo urak beliganna Rubia-rubia pe lit masap sinursurna Nurung ‘bas layo pe ‘nggo bilangenna ‘Di gasgasi tentu napnap nge jadina PEE NO. 50 “ DONI ENDA SEH ULINA “ 1) Doni enda seh ulina Tuhan si nepasa Ras isina pe k’rina B’rekenNa banta Reff : Sehken bujur dage baNa Arah k’rina dampar g’luhta Sehken bujur dage baNa Arah k’rina dampar g’luhta 2) Taneh si mekapal enda Tuhan si nembasa Kai pe mbue kap bassa Kuh banNa banta Reff : 3) Rumah enda seh jilena Tuhan si m’rekenca Datken pasu-pasuNa Kam ngianisa Reff : 4) Kiniliten enda k’rina Tuhan kap empuna Si pakeken min k’rina Guna k’rajanNa Reff : 5) Gelah lit tetap rumatta Tuhan njaminisa Kinis’ran pe ngampangsa Piher ukurta Reff : PEE NO. 51 “ ADI KUIDAH AMPAR BINTANG TERANG “ 1) Adi kuidah ampar bintang terang Ras sora lenggur kubegi O, Tuhanku ije ukurku mamang Ngidah b’linna krina tinepaNdu Reff : Maka pusuhku e pehaga Kam Mbelin me Kam o, Tuhanku maka pusuhku e pehaga Kam O, Tuhanku, mehaga kam 2) O, Tuhanku di k’rina kuukurken Perkuah ‘teNdu nebusi aku Tuhan me kap man bangku nggo ib’reken Alu dareh Yesus si badia Reff : 3) Di sada paksa Kristus ndilo aku Keriahenku tuhu mbelin je Perban nggo seh kai jadi kesikelku Ngidah sinalsal terang ayoNdu Reff : PEE NO. 52 “ ATEKU TEDEH “ 1) Ateku tedehman baNdu o Tuhan Malem me ateku jumpa si erkuasa Aku megegeh di ras Kam o, Tuhanku Sabab Kam me kapen, ulu sinasana Reff : Kubegi kataNdu kata tuhu-tuhu Keke me ukurku nehken peratenNdu 2) Terang kataNdu, nerangi pusuhku Pusuh jadi senang, ergiah geluhku Gegeh si mbaru, berekeNdu bangku Labo aku talu, meriah ukurku Reff : 3) Ib’reNdu pedah, kuakap pe megah Tambah perngertian, dat kiniulien Tambah pemeteh, turah kapen gegeh pemereNdu sampur, ras kusehken bujur Reff : PEE NO. 53 “ DESKEN LAMPU SI MEDIK-EDIK “ 1) Desken lamu si medik-medik Idas perahu kitik-kitik Bagem perdalinen geluhta I tengah g’lombang doni enda Reff : Enggo kap ndube Kam erpadan Lampu si medik la nimpetken Buluh si mbeltuk pe jineken Labo kap sada pe penggelken 2) Kecibalen doni si gelap Terang si kitik pe terakap Amin pe milep-ilep ngenca Enterem jelma merlukenca Reff : 3) Dage cidahken min o, Bapa Man k’rina isi doni enda Maka itehna min gereja Em Jesus Kristus so madasa Reff : 4) Pasu-pasuNdulah min krina Pergeluh ngawan perpulungen Ras serayanNdu japa gia Bas Jesus la lit erndobahen Reff : PEE NO. 54 “ ERSEMBAH KAMI BANDU “ 1) Ersembah kami baNdu Kerna lias ateNdu Bas perkuah ateNdu Tembe rumah mbaru Meriah tuhu-tuhu Nggejapken pasu-pasu Bujur ning kami baNdu Terpujilah gelarNdu ….. 2 x 2) Malem ateta k’rina Wari si sendah enda Totonta begikenNa Seh sura-suranta Sora Dibata jenda Terbegilah tetap ‘Di geluhta badia Terpujilah gelarNa ….. 2 x 3) Gegehi kami tetap Ndalanken peratenNdu KelengNdu la ‘mb’ra masap Seh ku anak kempu Gegehku ras ertangku Kusembahken man baNdu Tetapkenlah jingkangku Seh ku bas RumahNdu ….. 2 x PEE NO. 55 “ ENGGO TANGKAS PASU-PASU TUHAN “ 1) Enggo tangkas pasu-pasu Tuhan Dua ngawan si nggo sada arihna Erpadan njabuken bana i lebe Dibata Meriah kal si akap kerina Reff : Pasu-pasu o, Dibata jabu simbaru e Sepengodak sepengelo ibas jabuna 2) KataNdu me kap gelemen kami K’leng ateNdu kap si tetap nemani Pedah Tuhan ipake pe tetap dame M’riah nggeluh ras malem ate Reff : 3) Sampat ia ndalanken pedahNdu Ersada bas ukur malang man baNdu Ndahiken si erguna g’luhna tetap badia Terpujilah gelar ni Dibata Reff : PEE NO. 56 “ ENGGO NDEHER ME KEDUNGEN ZAMAN “ 1) Enggo ndeher me kedungen zaman Reh t’remanna si la malang Tuhan Kekelengen enggo reh bergehna Kalak jahat lalap reh tambahna 2) La bo lit senangna i bas perang Lit kap talu gia lit si menang Cedana mesangat murde k’rina Gulut kap ukur la lit jorena 3) Keke ka kepeken nabi palsu Tempana kuasa Tuhan ras ia Babaina seh kalak kena tipu Si ngikutken ia benekenna 4) Lit kape turah mara kelesa Ngamuk ka linur reh nega-nega Pangan pe muatsa seh serana Em tanda kedungen zaman enda 5) Enterem pagi lit kalak murtat Nadingken Tuhan Juru Selamat Ndalanken jahat akapna megah Pergeluh pe lanai bo erpepah 6) Sikaplah kita dingen erjaga Labo kap sieteh ndigan paksana Tuhan e rempet reh ndahi kita Tetaplah patuh dingen setia PEE NO. 57 “ ENGGO MASAP DOSANGKU “ 1) Enggo masap dosangku Krina perban dareh Yesus Malem ate tendingku Krina perban dareh Yesus Reff : O, dareh Tuhanku Si ngklini tendingku Badia geluhku K’rina perban dareh Yesus 2) Dame me kap pusuhku K’rina perban dareh Yesus Labo perban bujurku K’rina perban dareh Yesus Reff : 3) Pengarapenku nteguh K’rina perban dareh Yesus Sangap geluhku tuhu K’rina perban dareh Yesus PEE NO. 58 “ ERMENGKAH RAS ERTOTO “ 1) Ermengkah ras ertoto, em keg’luhen si payo Bas Kristus k’riahentam meteruk ukurta Reff : Ibas senang ntah susah kecibal geluhta Pujilah Tuhan, kataken bujur alu bulat ukur 2) Meder udan ras baho, petir gelap ras lenggur Tumpat ukurku labo, kukataken bujur Reff : 3) Kai kin erti geluhta, ‘di la muji Dibata Kita enggo itebus, alu dareh Kristus Reff : PEE NO. 59 “ I DONI ENDA MBUE KESUSAHEN “ 1) I doni enda mbue kesusahen Bage pelit ka nge perubaten Reh la min KinirajanNdu I gereja si arus ersada Maka tangkas ke’geluhen si mbaru Reh lah min KinirajanNdu 2) Gelah talu gelap kemusilen Cidahkenlah terang keadilen Reh lah min KinirajanNdu I bas lawit I deleng I juma I dalan , i tiga, ras i kota Rehlah min kinirajaNdu 3) Bas pusuhku, kata ras perbahanen Kekelengen rasp e kebenaren Reh la min KinirajanNdu Kam me kapen si mada si nasa I bas Kristus bangsaNdu ersembah Rehlah min kinirajanNdu PEE NO. 60 “ ISE KIN KAMI ENDA O, BAPA “ 1) Ise kin kami enda o, Bapa Maka kami ngasup mere baNdu Labo ban gegeh kami o, Bapa Lako mere man baNdu Reff : Kai pe si lit ibas kami o, Bapa E kap bekas pemereNdu man kami Enda sada bagin Bapa Ipersembahken kami 2) Ngataken bujur kami man baNdu Arah persembahen kami enda Aloken ras ipasu-pasuNdu Terpujilah gelarNdu Reff : 3) Nggejap b’linna perkuah ateNdu Makana kami mere man baNdu Kai pe cukup ibas Kam o, Bapa Kam Raja Surga doni Reff : PEE NO. 61 “INGETLAH MIN GELAR YESUS “ 1) Ingetlah min gelar Yesus Susah ntah senang gia Ia me kap penampatndu Kuja pe perlawesndu Reff : Mehaga gelarna Pengarapenta k’rina Mehaga gelarna Ermulia gelarNa 2) Pake tetap min pedahNa E me kap senjatanta Kune reh percuban nderpa Tentu la kita mampa Reff : 3) Bage me kelengNdu bangku Kam ingeten pusuhku E maka tetap ukurku Permuliaken gelarNdu Reff : PEE NO. 62 “ KUPUJI KAM O, TUHAN “ 1) Kupuji kam o, Tuhanku perban kesetianNdu Ateku nggeluh badia, Ngelawan kuasa doni Bage me sura-surangku, Bere gegeh ras kuasa Gelap tetap perjingkangku 2) Kam saja patut dat pujin, bas kegeluhen kami Ban Kam Tuhan si perkeleng, si nasap dosa kami Siberitaken me dage perbahanenNa si mbelin ‘Lah doni pe muji Tuhan 3) Madin ernalem man Tuhan asang man doni enda La lit si tetap kai pe lang, bas Tuhan Jesus ngenca Reh kami ngadap man baNdu, aloken kami o, Tuhan Kami si nggo itebusiNdu PEE NO. 63 “ KAM TUHAN SEKAWALKU “ 1) Kam Tuhan sekawalku, La lit kebiarenku Amin gulut ukurku, Ernalem tetap baNdu Galumbang si merawa, Jadi ibas geluhku Lalap aku erpengendes, Sebab Kam kap bentengku 2) Aku iapuliNa, adi reh kesusahen ibrekenNa bangku perpadan si tetap “Ola mbiar anakKu, Aku kap sekawalNdu” Bage kap nina Tuhanta, man banta si tek baNa 3) ‘Di bage nina Tuhan, ula pedekah-dekah Sidahilah gundari, Tuhanta si perkeleng Ikutkenlah kataNa, ula pekulah-kulah Pengarapen ib’rekenNa, em gegeh bas geluhta PEE NO. 64 “ KUIKUTKEN KAM O, TUHAN “ 1) Kuikutken Kam o, Tuhan Kam kap si perkeleng e Sabab Kam si mere dalan Dalan terkelin kepe Reff : Ia kapen Juru Slamat Ia kapen penampat KataNa me kapen tambar KuasaNa la ‘rsibar 2) Tuhan kapen kuarapken Jadi temanku nggeluh Tetap Ia penaleman Kinitekenku nteguh Reff : 3) Aku jadi si permenang Yesus kap menangkenca Pusuhku dame ras senang Tuhan kap si m’rekenca Reff : 4) Kudarami K’rajan Tuhan Ras pe kebenarenNa Ib’reNa si ni perluken Tanda keleng ateNa Reff : PEE NO. 65 “ KAM SI ‘RJABU SENDAH ENDA “ 1) Kam si ‘rjabu sendah enda PetetapNdulah ukurndu Gelem padan ras janjindu Janji si nggo belaskenndu Ula lupa pedah ras kataNa Sabab e kap gegeh ras senjata Ibas ngalaken kerina paksa Gelah dame tetap keg’luhendu 2) Bujur ninta man Dibata I bas k’rina pemereNa Ia si njayam geluhndu Gelah tetap perjingkangndu Dage ersadalah min arihndu Sada ukur sada penggejapen E maka tetaplah i bas Tuhan Si mere pasu-pasu man baNdu 3) Kerina lit kap paksana Nggeluh ibas doni enda Lit paksana ndele ate Lit ka paksana meriah Tapi bagi nina Tuhan Yesus K’rina maba ku bas kesangapen Adi kita ernalem man baNa Dage kataken bujur baNa PEE NO. 66 “ KUDAHI RUMAH PERSEMBAHEN “ 1) Kudahi rumah persembahen Segelah aku jumpa Tuhan Ban ia sumbul keriahen Nggo b’reNa bangku kesanggupan Reff : Ersada me anakNdu k’rina Bas kiniteken tetap paguh Bagem biak anak Dibata Tetap nembah ras muji gelarNdu 2) I adep-adepken Dibata Si akukenlah k’rina dosa Je robah kita dingen jera Sigejap me pengalemiNa Reff : 3) Begikenlah kata Dibata Em kap si nerangi geluhta Jadikenlah wari-warinta Penembahenta e man baNa Reff : 4) Mehuli me akap Dibata Si mesikel pulung i jenda Tetap metedeh la ateta Pulung meriah bas rumahNa Reff : PEE NO. 67 “ KAM KAP DIBATANGKU “ 1) Kam kap dibatangku Kam inganku cicio Tegu-tegu aku Begiken pertotonku Reff : Ernalem man baNdu Kam pengarapenku Kidekah geluhku Kupuji Kam Tuhan 2) Bere gegeh bangku Mekuah ateNdu min Labuh kal tendingku sampatiNdu aku min Reff : 3) Entah kai si jadi Tetapkenlah ukurta Ras pe megenggenglah Ndalani kiniseran Reff : 4) Kupuji Kam Tuhan Rende aku man baNdu Sabab seh ulihna perbahanenNdu bangku Reff : PEE NO. 68 “ KEG’LUHEN DONI TUHAN SI NGATURKENCA “ 1) Keg’luhen doni Tuhan singaturkensa Labo tersipati , Ia simada kuasa Tah kai pe jadi, Leben enggo itehNa La lit si terbuni, I lebe-lebeNa La lit si terbuni, I lebe-lebeNa 2) Man Tuhan pindo k’rina si perlukenndu Sehken arah toto, la bo perlu kam aru Lah tetap ukur arapen la erkusur Kekelengen Tuhan tetap labo luntur Kekelengen Tuhan tetap labo luntur 3) Bas sada paksa i bas kegeluhenta Tah gulut ukurta ras mambut pe iluhta Ola min lupa nandangi lias ateNa GegehiNa kita ban keleng ateNa gegehiNa kita ban keleng ateNa PEE NO. 69 “ KEK’LENGEN YESUS KEMPAK MANUSIA “ 1) Kek’lengen Yesus kempak manusia Desken Dibata engkelengi ia KekelengenNa maler kap man banta Adi sipakelah pedahNa Reff : Min sikeleng-kelengen kita k’rina Bagi pedahken Yesus bas pustaka Sababna kai si pindo bas gelarNa Ib’re Dibata man banta 2) Ngasamken kesah nggit me kepe Ia Gelah terkelin kita manusia Dage dalanken si ni pedahkenNa Kempak temanta ise gia Reff : 3) Bas paksa kita nehken kekelengen Ola min siban ceda kempak teman Erban mehuli ola rahan-rahan Lah kedamen jujurken Tuhan Reff : PEE NO. 70 “ KUKATAKEN BUJUR BANDU “ 1) Kukataken bujur bandu O Kam Tuhan Penebus Aku enggo s’lamatkenNdu Arah lias ateNdu Reff : Keleng kal ateNdu Simpar kap ngaruhNdu bangku Lias ateNdu lanai iterpilasi Kupuji Kam tep-tep wari 2) Tergejap pasu-pasuNa I bas kegelehenku Rejeki arah dalinku Icur-curkenNdu bangku Reff : 3) Arah perkuah ateNdu Mejuah-juah aku Senang me kapen geluhku Kupujilah gelarNdu Reff : PEE NO. 71 “ KATA NI DIBATA BAGI CIRUS UDAN “ 1) Kata ni Dibata bagi cirus udan Nusur ku doni enda peturah sinuan O, la ngit ras doni kam pe o, pertibi Begiken soraNa, jadi erpemegi 2) Aloken tendingku kata ni Dibata Ia kap setia, adil perbahanNa Benar me kap Ia, padanNa pe tetap Si ngikutken Ia, dame rasa lalap 3) Nggeluh i bas doni lalap lit si kurang Di nadingken Tuhan, geluh kin pe rontang Ibas Tuhan ngenca, ulu pengarapen Si ernalem ba-Na, ndatken kesangapen PEE NO. 72 “ KAMI SI REH NDAHI BAPA “ 1) Kam sir eh ndahi Bapa Maba baban si mberat kap Picet rukur gulut nderpa penampatNdu ‘rban terakap 2) O, Tuhan Jesus sampatlah Si sakit ntah raste ndele PerkuahNdu ‘rbanca pulah Ukur kami pe lana bene 3) Di kinitekenku kote Pengarapen menam bene Kuasa ras keleng ateNdu E saja penalemenKu PEE NO. 73 “ KAM ME O, TUHAN PEMATANG G’LUHKU “ 1) Kam me o, Tuhan pematang g’luhku Kam empuna tendingku Tedeh ateku si kel ukurku Rembak tetap min ras Kam Reff : RembakkenNdu aku o, Tuhan Ku kayu persilangNdu RembakkenNdu aku RembakkenNdu lah Ku lebeNdu o, Tuhan 2) Pegegehilah badiakenlah Aku enda kawanNdu G’lah paguh aku, tetap ukurku Bas nehken peratenNdu Reff : 3) Seh kel senangna seh kel riahna Rembak ras kam o, Bapa Sanga ertoto ersembah Ukur pusuh ermegah Reff : 4) La bo ‘nggo serta g’luh doni enda Ras Kam ngenca mambarna I bas rumahNdu i adepenNdu Dame me tuhu-tuhu PEE NO. 74 “KUIKUTKEN ME DALANNDU “ 1) Kuikutken me dalanNdu Dalan dame man bangku Terkelin me kap geluhku Itebusi darehNdu Reff : Kuikutken me dalanNdu Kuendesken geluhku Bas Kam o Juru S’lamat Dame senang tendingku 2) Mesera gia dalanku PadanNdu kap enteguh Ngelawan kuasa gelap Di ras Kam menang tuhu Reff : 3) Kupersilahangken bangku Ngikutken pendiloNdu Kudalanken peratenNdu Dat aku pasu-pasu Reff : 4) Kupetetap me ukurku Nggeluh bujur ras tuhu B’reNdu usihen man bangku Puji sembahku baNdu Reff : PEE NO. 75 “ KUNE BAS GELUHTA MARA REH NDERPA “ 1) Kune bas geluhta mara reh nderpa Arus jaga ula ukurta pera Pasu-pasu Tuhan ula kal lupa KekelengenNa la kap nggo erleka Reff : Pasu-pasuna si ingetlah Ia kapen ulu ni tuah Pasu-pasu Tuhan ingetlah Tuhan si perkuah tetap sembahlah 2) Kune baban mberat ‘rbanca kam kote Ntah pengajuk doni ‘rbanca kam mbole Di kecibal geluh bagi la jore Tapi kiniteken ola kal monce Reff : 3) Kune erta doni ngajuk erdilo Biak si mehuli pe jadi menggo Perukuren mobah lanai meciho Tadingken kerina biak la payo Reff : PEE NO. 76 “ KU’ENDESKEN K’RINA GELUHKU “ 1) Ku’endesken k’rina geluhku, anem melket aku Tuhan penalemenku, Tetap me ukurku Ku simbak p’raten doni, Lah me tunggung aku Gegeh kuasaNdu, ndemi lah malem ateku 2) Bas paksa kesusahen pusuhku la gentar Kam me kap penalemen, Ia kal aku mbiar Mbelin keleng ateNdu si njayam geluhku Senang kel kap ras Tuhan, ersurak tendingku 3) TemaniNdu kap aku bas dalin geluhku CikepNdu tetap tanku, k’leng ateNdu tuhu Alu kuasa KesahNdu.pengasupNdu aku E maka la aku lupa, peb’linken gelar’Ndu PEE NO. 77 “ LALAP SIKATAKEN BUJUR “ 1) Lalap sikataken bujur Beritaken kemulianNa Mbelin pemeraNa banta Puji gelarNa Reff : Dibata kap ciling gementa malem ateta Tuhan Dibata Penalementa Penanam-nanam bas geluhta 2) K’leng ateNa kapen nusur Lalaplah ngataken bujur Ingetlah pedahNa rusur Segedang umur Reff : 3) Adi seh sura-suranta Labo e perban gegehta Maka ula kita lupa La m’rekenca Reff : PEE NO. 78 “ LABO ERKITEKEN BELUHKU “ 1) Labo erkiteken beluhku Labo erkiteken pentarku Tapi perbahan penampatNdu Mbelin tergejap bas ngasupku 2) Labo erkiteken dahinku Labo erkiteken pangkatku Tapi perbahan perkuahNdu Malem ateku tuhu-tuhu 3) Labo erkiteken ertangku Labo erkiteken bayakku Tapi perbahan pemereNdu Pasu-pasuNdu simpar bangku PEE NO. 79 “ M’RIAHKAL UKUR KAMI O, BAPA “ 1) M’riahkal ukur kami o, Bapa Nembah jimpuh ertoto baNdu Kam o, Tuhan i puji kami Ermulia gelarNdu Bengket kami o, Tuhan Ngadap ku lebeNdu Reh kami muji-muji gelarNdu Tuhan si Badia 2) Ulih peranin kami AlokenNdu, Bapa E me pengataken bujur kami Man Bandu Dibata 3) Bujur ningkami baNdu Ban keleng ateNdu icukupiNdu k’rina si perlu mbelin kal kuasaNdu PEE NO. 80 “MANUSIA ENGGO ERDOSA “ 1) Manusia enggo erdosa Meluat mekelsa Pusuh labo lit damena Di sirang ras Dibata Begikenlah pendiloNa Ikutken kataNa Geluh pelimbaruiNa Rembak kita ras Ia 2) Megati meganjang ukur Nogan nimbak kataNa Piah dungna latih rukur Di sirang ras Dibata Begikenlah pendiloNa Malang erlajar baNa Di mberat pe bas geluhta Menahang di ras Ia 3) Di kita la mediate Man teman ras jabunta I ja pe la malem ate Disirang ras Dibata Begikenlah pendiloNa Sampati turang senina Dame senang ukurta PEE NO. 81 “ MERIAH UKUR KAMI O TUHAN “ 1) Meriah ukur kami o Tuhan Lias ateNdu si enggo tersuan Igejap kami kuasaNdu mbelin Si erban kami k’rina terkelin Kam me kap si pegedangken umur Man baNdu kami ngataken bujur Kam kapen si pegedangken umur Man baNdu kami ngataken bujur 2) Penalemen kami suari berngi Kam ukurna k’rina si mehuli M’riah ukurNdu tetap njujuri Lalap icur-curkenNdu rejeki Adina reh si serbut ngguluti PenampatNdu kap minter nurihi Adina reh si serbut ngguluti PenampatNdu kap minter nurihi 3) ItampekenNdu umur si gedang Rikut k a pe ras ukur si senang Bas dalin gelap ib’reNdu terang Keleng ateNdu la kap nggo sirang KuasaNdu la kal kapen teralang Keleng ateNdu la kap nggo sirang KuasaNdu la kal kapen teralang 4) Kasakai gia lit iba geluh M’lala ka gia musuh reh ngupuh Aminna doni g’rupuh tah gujuh La aku ndabuh la aku labuh Pengarapenku enteguh paguh Tetap ‘ku patuh tanNdu kap ngasuh Pengarapenku enteguh paguh Tetap ‘ku patuh tanNdu kap ngasuh PEE NO. 82 “ MERIAHKAL UKURTA “ 1) Meriahkal ukurta, reh kam penampat Pesikaplah dalinNa ibas ukurta Biak-biak keg’lapen tadingken k’rina Aloken kesangapen keleng ateNa Reff : Si alo-alo ia ralep aleplah min kita Pesikaplah inganNa bas ukurta 2) Di lit si meluk-eluk si pesikaplah Ukur si nggeduk-nggeduk jadi pinterlah Pesai-pesai dalanNa Raja Mulia Babailah kalak k’rina nembah man baNa Reff : 3) Dibata kap Bapanta si nuruh Ia Nusur ku doni enda dahi manusia Robahlah dingen jera kita kerina Dosanta iangkutNa terkelin kita Reff : PEE NO. 83 “ MERIAHKAL UKURKU M’RITAKEN GELARNA “ 1) Meriahkal ukurku m’ritaken gelarNa Berita kerna Yesus ras keleng ateNa Meriahkal ukurku nuriken si benar Peturah kiniteken ukurku tergintar Reff : Pembarkenlah kataNa, Kempak kerina jelma Kerna YesusTuhanta ras keleng ateNa 2) Meriahkal ukurku m’ritaken gelarNa Ergan kuasa gelarNa asang doni enda Meriahkal ukurku nuriken man bandu Enda b’rita si mbelin si’rbanca terkelin Reff : 3) Meriahkal ukurku m’ritaken gelarNa Bas tetap kuulihi ertambah malemNa Meriahkal ukurku mbelin kuasaNa ‘Lah si langa metehsa ikut ngalokenca Reff : PEE NO. 84 “MAN BANDU YESUS TUHANKU “ 1) Man baNdu Yesus Tuhanku Kuendesken geluhku Nggeluh sikeleng-kelengen Nggit si sampat-sampaten Reff : Erbuah kata ni suan Bas kita anak Tuhan Erbuah kata ni suan Bas kita anak Tuhan 2) Nggeluh sitatang-tatangen Kita radu megegeh Nggit kita ngalemi salah Pusuh dame meriah Reff : 3) Mediate ras mesayang Si m’uli ula sungsang Tetap siajar-ajaren La sitogan-toganen Reff : 4) Kuene teman mambur iluh Sampat g’lah ula ndabuh Paksa keriahen ukur Minter kataken bujur Reff : PEE NO. 85 “ MAN BANDU RAJA G’REJA “ 1) Man baNdu Raja Greja, Isehken kami bujur Kam kap si njayamsa, Geluh perpulungenNdu Pasu-pasuNdu Tuhan, Kusemin bagi udan Maka serayanNdu, I demi kuasaNdu Latih ia la mbiar, Ukurna tetap nggintar Kek’lengenNdu simpar BritaNdu jadi mbincar 2) Bahanlah min o, Tuhan erdolat serayanNdu Ngayu ras tersuan ngaloken pendiloNdu Ukur, pengarapenna man baNdu saja ngenca Tutus ras setia, kataNdu la tersia Lagu-langkah mulia, e Kam si pesikapsa Tutus kal ateNa mbarken kata Dibata PEE NO. 86 “ MBINCAR MATAWARI “ 1) Mbincar matawari Enggo kap nerangi Krina negeri Juma ntah pe Sabah Krangen si meratah Mehuli t’ridah 2) Terang ersinalsal Kerina merandal Tangkas kuidah Bapa si ni Surga Bapa si erkuasa La kusembah 3) Wari-wari g’luhku E pe pemereNdu ijujurkenNdu ermengkah ateku bekas penjayamNdu pujin man baNdu PEE NO. 87 “ NGIKUT TUHAN KIN ATENDU “ 1) Ngikutken Tuhan kin atendu, persan silang Ola sangsi ola mbiar ikutkenlah Reff : Persan saja min silangNdu, Ikut terus Mulia me kal upahNdu tetap tutus 2) Simbaklah min peratenndu, sabar tetap Bujur saja ukurindu, dat me sangap Reff : 3) Kune susah tah mesera, megeng-genglah Tuhan Yesus ushienta, ikut gelah PEE NO. 88 “ NEHENLAH SEKELEWETTA “ 1) Nehenlah sekelewetta Tataplah ku juma-juma K’rina page nggo reh gersingna Paksa rani enggo ertima Reff : Nehenlah sekelewatta Tataplah ku juma-juma Nggo gersing page kerina Paksa rani enggo ertima 2) Juma e kai antusenNa Page e kai ka ertina Juma e me kap doni enda Page e me jelma kerina Reff : 3) Juma e ise madasa Page e ise empuna K’rajang Tuhanta enda kerina Doni enda ia empuna Reff : 4) Di bage ise p’ranisa Juma e bage belangna Pindolah man si mada juma Nuruh k’rina si erdahinNa Reff : PEE NO. 89 “ NGGO SIKAP KAMI K’RINA “ 1) Nggo sikap kami k’rina, ndehkehken kataNdu KesahNdu si Badia, nampati anakNdu PedahNdu kp gegehku bagepe tendingku Penampat bas geluhku, ndat kepentarenNdu 2) Pengasup kami k’rina ndengkehken kataNdu Lah tutus megikenca ajar ras pedahNdu Kula tendingku ngada ku kam o Tuhanku kataNdu kap o Bapa pematang geluhku 3) AjariNdu o Bapa si nehken kataNdu Gelah ukur ras kata sentudu pedahNdu Pelikas pe kerina arah serayanNdu Gelah min kami k’rina dat gegeh si mbaru PEE NO. 90 “ NGINGET PERKUAH DIBATA SI MBELIN “ 1) Nginget perkuah Dibata si mbelin Si isehkenNa man banta k’rina kin Ibas kerina dampar kegeluhen I doni s idem alu keguluten Reff : Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa 2) Sabab bage me arusna kita kin Ersembah man Dibatanta si mejin Si nggo m’reken man banta manusia Keg’luhen si mehuli ras badia Reff : 3) Marilah k’rina si puji Dibata Janah sipeteruk k ape ukurta Alu bage si dat sura-suraNa Kai si mehuli ras ngena ateNa Reff : PEE NO. 91 “ O YESUS, KAM TERANG GELUHKU “ 1) O Yesus, kam terang geluhku Kam me singkelini tendingku La kap lit si man kebiarenku O Yesus Kam me kap bentengku Emakana la lit gentarku Amin lit sijahat nderpa aku Reff : O, Bapa dengkeh pemindonku La kap sada sura-surangku Atan min aku ibas RumahNdu Sedekah geluhku 2) O, Yesus Kam terang geluhku Kam me si engkawali aku Ibas paksa lit kesusahenku O, Yesus ajari min aku Gelah nggeluh ngikut p’ratenNdu Arah dalan salang babai aku Reff : 3) O, Yesus Kam saja ku sembah Sabab Kam Kap si mada kuasa Ibas surge bage pe i doni O Yesus surak m’riah aku Kudesken me persembahenku Pengataken bujur bas RumahNdu Reff : PEE NO. 92 “ O TUHANKU O DIBATANGKU “ 1) O, Tuhanku o, dibatangku Rusur aku nimbak pedahNdu Nggo meluat krina geluhku Labo dame banna pusuhku 2) O, Tuhanku o, dibatangku Kutungkungken ukurku baNdu Ras mekuah ateNdu aku Sasapkenlah salah dosangku 3) O, Tuhanku o, dibatangku Kuikutken pedah-pedahNdu Ras pembarken kinirajaNdu Janah tetap jadi saksiNdu 4) O, Tuhanku o, dibatangku Sehken kami bujur man bandu Mbelin tuhu kekelengenNdu Ermulia tetap gelarNdu 5) O, Tuhanku o, dibatangku Kam kap lalap penalemenku Ras kupuji tetap gelarNa I bas gedang-gedang geluhku PEE NO. 93 “ O TUHAN KAM ME PENAMPAT “ 1) O, Tuhan kam me penampat Ibas geluhku O, Tuhan kam me cicionku Bas aru ateku Angina meter udan meder Kam me kubungku O, Tuhan Kam me ikutenku Se gedang geluhku 2) Enterem imbang-imbangku bas pertibi e Si atena nirangku ras Kam kap Tuhanku Kawali min, cikeplah min, lah la ku bene O, Tuhanku Kam me pengarapen segedang geluhku PEE NO. 94 “ O KAM TINEPA DIBATA “ 1) O Kam tinepa Dibata Si mada kuasa pujilah Haleluya, Haleluya Matawari ersinalsal Krina teridah merandal Rasa lalap puji Tuhan Haleluya, Haleluya, Haleluya 2) Cahar warina si salang Sora perkas la teralang Haleluya, Haleluya Erkire embun meganjang Lembus angina silumang Rasa lalap puji Tuhan Haleluya, Haleluya, Haleluya 3) Maler me lau meciho Mahan muas jadi mburo Haleluya, Haleluya Api gurlah la teralang Sekelewat jadi terang Rasa lalap puji Tuhan Haleluya, Haleluya, Haleluya 4) Mari sipuji Tuhanta Mbelin kepe kuasaNa Haleluya, Haleluya Mulia kapen gelarNa T’ridah arah tinepaNa Rasa lalap puji Tuhan Haleluya, Haleluya, Haleluya PEE NO. 95 “ O TUHANKU KAM KAP PERMAKANKU “ 1) O Tuhanku Kam kap permakanku Emakala kekurangen aku Ku mbal-bal m’ratah aku babaNdu I pesenang-senangNdu geluhku Reff : Permakanku si njayam geluhku Malem ateku senang tuhu KelengNdu tetap maler man bangku Kam me Tuhanku, Permakanku 2) IteguNdu kempak lau si maler IbahanNdu ateku nggo malem E maka tedeh ate tendingku Kempak keg’luhen si sikapkenNdu Reff : 3) Amin aku bas kelbung si gelap Arapenku man Tuhan e tetap La nai mbiar ndalani geluh e Sabab Tuhan e temanku jine Reff : PEE NO. 96 “ PUJI TUHAN HALELUYA “ 1) Puji Tuhan haleluya Wari enda wari Dibata Pulung kita k’rina jenda Rende nembah muji gelarNa Reff : Haleluya, Haleluya Puji gelarNa Haleluya, Haleluya Puji gelarNa 2) Asa Kristen japa gia Puji Tuhan si perkeleng e Ia si nangtangi kita I bas kuasa si gelap e Reff : 3) Dage mari kita k’rina Ralep-alep muji gelarNa Ia si ndarami kita Si mbabai kita ku surge Reff : 4) Nggo sasapken dosanta Katakenlah bujur man baNa Adi ia penggurunta IbahanNa malem ate Reff : 5) Ola nai dua ukurta Ikutkenlah Tuhan Yesus e Sipesikaplah pusuhta Dame nari si k’rajangta Reff : PEE NO. 97 “ PENGASUP KAMI O TUHAN “ 1) Pengasup kami o Tuhan Gelah pedahNdu banci idalanken Em kap tending kami bas kegeluhen KataNdu si man gelemen Gelah tangkas kata ras perbahanen Ban kami tetap bas kebujuren SurgaNdu kap perayaken 2) Temani kami o, Tuhan Bengket ku doni si dem keguluten SampatiNdu kami lako naluken Dosa si man sirangken E maka ola kal kami tadingken I bas kami ndalani kegeluhen G’lah dat kami kemenangen 3) Kawali kami o, Tuhan Alu gegeh ras kuasaNdu si mbelin Olangilah kami idur si setan Si atena encedaken DameNdu gelah tetap kuarapken Ban kelengNdu ngenca kap kami atan Bengket ku bas kesangapen PEE NO. 98 “PUJILAH MIN DIBATA “ 1) Pujilah min Dibata Puji gelarNa si badia I bas Kristus nggo si idah Dibata jine siperkuah Langit ras doni rendelah Mungkuk erjimpuh nembahlah Pasu-pasuNa kap mbelin Keleng ateNa la erkerin 2) O, doni k’rina, suraklah Tuhan Dibata pujilah Rikut kulcapi ras gendang Sampur meriah la teralang PEE NO. 99 “ PUJILAH TENDINGKU “ 1) Pujilah tendingku, puji Tuhan Segedang-gedang geluhku Ateku ersembah rasa lalap Ban keleng ateNdu tetap I jujuriNdu geluhku Dage ku puji Kam Tuhan Haleluya !Haleluya ! 2) Ola ernalem ku doni enda Sia-sia me jadina Di dolat doni kentisik ngenca Masap nge pagi krinana Kula manusia masap Dibata saja si tetap Haleluya !Haleluya ! 3) Kam me kap o, Tuhan Penampatku Malem kal ateku banNdu IbegikenNdu kap pertotonku Sebab setia Kam tuhu Kam kap si nepa k’rinana Kam me tetap si njayamsa Haleluya !Haleluya ! 4) Pusuh si getem e iapuli Si kelehen ibesuri Kalak si pentang pe erpengidah Kalak tertaban pe pulah Bage me lias ateNdu Terpujilah kuasaNdu Haleluya !Haleluya ! PEE NO. 100 “ PERMAKAN K’RINA BIRI-BIRINGKU “ 1) Permakan k’rina biri-biriNgku Bagem pedah Tuhan man banta k’rina Emaka serayan i tangkuhkenNa Gelah bas nehken pedahNa la leja-leja Reff : Keleng kal tuhu ate Tuhan rarasenNa Kerina serayanNa pe ikawaliNa Kita kerina pe ikut numpak-numpaksa 2) Jagailah dirindu ras rarasanNa Bage pe k’rina kalak si ‘ndeskenNa Enggo itebusNa alu darehNa Keleng ateNa kap si ngkelini geluhta Reff : PEE NO. 101 “ PULUNG M’RIAH KAL KAMI KERINA “ 1) Pulung m’riah kal kami kerina Jumpa i bas rumah si Badia Reh min Kam o, Bapa si Mulia G’lah kerina Badia jadina Reff : Sal-Sali pusuh kami Layasi ukur kami Pengarapen reh teguhna Kiniteken reh paguhna 2) Wari ras berngi nggo ibentasi Keleng ateNdu tetap nemani I bas mberat Kam lalap nampati I bas susah Kam si ngelayasi Reff : PEE NO. 102 “ REHLAH MIN KESAH BADIA “ 1) Rehlah min Kesah Badia Demi pusuhkami enda Bahan ukur kami salang ngaloken Kata Dibata Gelah kami k’rina enda Dame mriah ras badia 2) Di KesahNdu nggo ngiani K’rina kap nggo ilayasi Kiniteken tetap paguh Tendi kami pe terasuh G’luhken kami si mehuli G’larndu pe tetap terpuji PEE NO. 103 “ SIMPAR TUHU PEMERENDU “ 1. Simpar tuhu pemereNdu JujurkenNdu kap man bangku Ermengkah kal ukurku La ‘ku lupa lias ateNdu Reff : AlokenNdu o, Tuhanku Persembahen anakNdu Usekenlah pasu-pasu Peteguhi perpulungenNdu 2. Benih si isuan kami E pe kap i bas Kam nari kuasaNdu mahanca turah kuasaNdu mahanca erbuh Reff : 3. BreNdu kami kepentaren H’lah nirangken kepapaken Ajar kami kebujuren Maka pinter ka perukuren Reff : 4. M’lala denga man sampaten Nterem denga man apulen B’reNdu kami kengasupen ‘Lah kami sikeleng-kelengen Reff : 5. Si tading bas kami enda BanNdulah erlipat ganda Kami k’rina reh ngasupna Ndahiken dahin si mulia Reff : PEE NO. 104 “ SEH KAL SIMPARNA PEMERENDU “ 1. Seh kal simparna pemereNdu, o Tuhan Mejuah-juah kerina ibas jabu La lit si magin, pinakit la ertahan Ngataken bujur pusuh kami man baNdu 2. Nggo kap mbuah bage page si nisuan Janah pe merih bage manuk niasuh Ajari kami ersembah baNdu, Tuhan Lah malem ate ras dame i bas pusuh 3. Di kiniteken erbuah bas perlagu Bas engkelengi min ola kita medu Bas si mehuli lalap min kiita mbaru Tuhan Dibata tetap si masu-masu PEE NO. 105 “ SIPUJI TUHAN ARAH GELUHTA “ 1. Sipuji Tuhan arah geluhta Si inget tetap ngaruhna banta Ban k’leng ateNa Nebusi kita terkelin kita si tek man Bana 2. Segedang g’luhta inget Dibata Bas k’rina paksa ngaraplah baNa Tetap ukurta rembak ras Ia Erban si r’guna ula erleja 3. Reh pendungina wari-warinta Lit kap paksana reh me Tuhannta Ipepulungna kerina jelma Kita si s’tia malem ateta PEE NO. 106 “ SENDAH WARI PASKAH “ 1. Sendah Wari Paskah meriah ukurta Yesus enggo keke tangkas kuasaNa Sendah Wari Paskah malem kal ukurta Yesus kap enggo keke naluken si gelap Reff : Surak Haleluya Surak Haleluya Ban Yesus nggo menang Kita pemenang 2. Sendah wari Paskah kuasa Tuhan t’ridah Yesus pengarapen Ia penalemen Kita nggi terkelin lias ateNa mbelin Si Iblis enggo talu dat gegeh si mbaru Reff : 3. Wari Paskah enda, pulung kita jenda Talu kuasa gelap kita enggo sangap Tetap kap ukurta, segedang umurta Yesus me kap temanta, meriah ukurta Reff : PEE NO. 107 “ SADA SORANTA MUJI DIBATANTA “ 1. Sada soranta muji Dibatanta Ia jine si njayam keg’luhenta Lalap ia ‘ngkelengi tinepaNa Maler me kap tetap pasu-pasuNa 2. Sada soranta muji Dibatanta S’lamat kita ban perkuah ateNa AlokenNa kita jadi anakNa Maler me kap tetap pasu-pasuNa 3. Sada soranta muji Dibatanta Lit perbeben b’rekenNa dalan pulah G’lah min kita enda jadi erbuah Maler me kap tetap pasu-pasuNa 4. Sada soranta muji Dibatanta Kesah Tuhan nemani bas ersaksi Pengasupna kita e ngelayasi Maler me kap tetap pasu-pasuNa PEE NO. 108 “ SUSAH ENTAH SENANG GIA “ 1. Susah entah senang gia ibas geluh enda Amin kita bas perbeben Ernalem man baNa Nggeluh bas Tuhan malem ateta Sibegiken pedahNa Pindo gegeh ras pasu-pasuNa ibrekenNa man banta 2. Aminna latih mesera gegeh ib’rekenNa Tetap ernalem man baNa kidekah geluhta Mejingketlah ndahiken dahinNa G’lah meriah ukurta Sangap kalak si rembak ras Ia Terpujilah gelarNa PEE NO. 109 “ SISEMBAHLAH MIN “ 1. Sisembahlah min Tuhan simbelin Endekenlah min endenden pujin Tuhan Dibatanta ingan cicio Sembahlah Ia ola kita menggo 2. Sipembarkenlah kinimbisanNa Sinalsal terang e me pakenNa Megang soraNa bagi lenggur kepe Kalisung-sung e pe ibentasiNa 3. Seh kal ulina penjayamenNdu Terang ras gelap e nuduhkenca Udan ras lego k’rina ndatkenca Kuasa kekelengenNa mbelin tuhu PEE NO. 110 “SIPEMBARKEN B’RITA SI MERIAH “ 1. Sipembarken b’rita si meriah Sitertaban banci pulah Sipentang jadi erpengidah Rakatlah min ersembah Rakatlah min ersembah Reff : Perban lias ate Tuhanku gegeh dosa enggo talu Kuasa Kristus tangkas t’ridah Rasa lalap pujilah 2. Sipembarken b’rita si meriah Kuasa iblis talukenlah Si metangkang min jadi robah Ngasamken kuasa pedah Ngasamken kuasa pedah Reff : 3. Sipembarken b’rita si meriah Dibatanta si perkuah Ib’reNa kita dalan pulah Man baNalah ersembah Man baNalah ersembah Reff : 4. Sipembarken b’rita si meriah B’linkenlah kiniulinNa Geluh rasa lalap baginta Tetap pujiken Ia Tetap pujiken Ia Reff : PEE NO. 111 “ SURA-SURA DAGING LAWANLAH “ 1) Sura-sura daging lawanlah tetap Je ‘di la kam talu tambah gegehNdu Sura-sra jahat simbaklah tetap Ngaraplah man Yesus Tentu kam menang Reff : Pindo gegeh man Tuhan Gelah kam lalap paguh Ib’reNa kita menang Menehang ras senang 2) Tadingken si jahat, olangilah dosa UkurNdu meciho la ercinengga Pake kebenaren nggeluh bas terang Ngaraplah man Yesus Tentu kam menang Reff : 3) Geluh si mulia ib’re Dibata Man kalak si s’tia kinitekenna Gelah Ia kam celus. Lit kap si natang Ngaraplah man Yesus Tentu kam menang Reff : PEE NO. 112 “ TUHAN KAP PENALEMENKU “ 1) Tuhan kap penalemenku Ia si njayam geluhku Ia kap pe sekawalku La nggo kekurangen aku Reff : Tuhan si mada sinasa Tuhan saja si pehaga Muliakenlah gelarNa Mari puji sembah Ia 2) Kune jumpa si mesera Kiniteken lab opera Tetap aku sampatiNa K’leng ateNa la erleka Reff : 3) Nggo terkelin jine aku Arah perkuah ateNdu PeratenNdu kudalanken G’luhku e kupersembahken Reff : PEE NO. 113 “TUHAN I TENGAH-TENGAHTA “ 1) Tuhan i tengah-tengahta M’reken pasu-pasuNa Maler desken lau si mbelin Lanai lit si terulin Reff : Usekenlah min KesahNdu Temani geluh kami Gegeh kami p’limbarui K’rina jadi mehuli 2) Tuhan i tengah-tengahta Reh riahna ukurta Reh tenengna pertendinta Reh damena pusuhta Reff : 3) Reh tetapna me ukurta Nehken sura-suraNa Di ernalem la kap lupa Ermulia Tuhanta Reff : PEE NO. 114 “ TUHAN, KELENGINDULAH “ 1) Reff : Tuhan kekelengindulah Kristus, sampatiNdulah Yesus, k’linilah kami Pertibi enda seh kal rontangna Dosa me si ncedai manusia M’da nggel mesera eme peng’lakoNa 2) Reff : La erp’ngarapen nterem kal tuhu M’lihe ras musil ise nampatisa ‘Nterem mesera ise ngingetsa? 3) Reff : Bayak namura nterem kal tuhu Tapi mekatep serap ras temanna Mbue si mate teridah medersa 4) Reff : Mbue senjata munuh gunana I jah i jenda seb’lang doni enda Kai nge dagena erti geluh enda 5) Reff : Yesus Tuhanku Juru S’lamatku Dosa nggo masap i kayu silangNdu Bas kekekeNdu atankeNdu aku 6) Reff : Bahanlah kami jadi pendame Guna pembarken KemulianNdu e Tegulah kami ku bas k’rajanNdu PEE NO. 115 “ TUHAN DIBATA SI NEMANI “ 1) Tuhan Dibata si nemani Seh jumpa ka kita pagi Ia tetap singkawali Tuhan Dibata si nemani Reff : Seh jumpa kita jumpa ka Dibata si pejumpa kita Seh jumpa kita jump aka Dibata si pejumpa kita 2) Tuhan Dibata si nemani Kabengna cilinggemenndu PedahNa pangan tendindu Tuhan Dibata si nemani Reff : 3) Tuhan Dibata si nemani Ibas ndele tah pe susah Ia m’reken dalan pulah Tuhan Dibata si nemani Reff : 4) Tuhan Dibata si nemani Kata Tuhan gelemenndu Kematen pe banNa talu Tuhan Dibata si nemani Reff : PEE NO. 116 “ TERUH KAYU SILANGNDU “ 1) Teruh kayu silangNdu Ku endesken geluhku Lau sumbul kegluhen Maler kap man bangku Reff : SilangNdu silangNdu E kumuliaken Seh ku surge ne pagin Geluhku terkelin 2) Teruh kayu silangNdu Tergejap kelengNdu Desken bintang si terang Si erbanca senang Reff : 3) Teruh kayu silangNdu LiasNdu kuinget I bas dalin geluhku KelengNdu tersinget Reff : 4) Teruh kayu silangNdu Tetap ‘ku ernalem Seh ‘ku Surga me aku Ateku pe malem Reff : PEE NO. 117 “TUHAN YESUS PENAMPATKU “ 1) Tuhan Yesus Penampatku Ia penalemenku Kuikutken me dalanNdu Kam me kegeluhen Reff : Teneng tetap tendingku Paguh kinitekenku Lanai lit kebiarenku Tan Tuhan ku me negu 2) Tuhan Yesus Penampatku Kam me kapen gegehku layasiNdu kap ukurku La teralang uliNdu Reff : 3) Tuhan Yesus Penampatku Nimbak praten dagingku Suari berngi Kam kulebuh Pengarapenku nteguh Reff : 4) Tuhan Yesus Penampatku Seh kedungen geluhku Lah pusuhku tetap mambar B’lin liasNdu ku palar Reff : PEE NO. 118 “ TUHAN, KAM ME SI PERMAKAN “ 1) Tuhan, Kam me si Permakan Kami biri-biriNdu Kami tetap kap nggejapken B’linna keleng ateNdu Tuhan Jesus, Juru S’lamat Kami si k’rajangenNdu Tuhan Jesus Jurus S’lamat Kami si k’rajangenNdu 2) Kam Pengawal si setia Kam sekawal geluhku Kam pedauhken k’rina dosa Ndilo Kalak si lalar Tuhan Jesus Juru S’lamat Ngendesken kami man Bandu Tuhan Jesus Jurus S’lamat Ngendesken kami man Bandu 3) PadanNdu ngaloken kami Gia m’luat erdosa Perdosa iurasiNdu Dingen ipulahiNdu Tuhan Jesus Juru S’lamat Kam me Raja Penampat Tuhan Jesus Juru S’lamat Kam me Raja Penampat PEE NO. 119 “ TEGU AKU ANAKNDU “ 1) Tegu aku anakNdu Bas perdalan geluhku Di aku paksa labuh Ambatilah musuhku Reff : Tegu aku Ibas perdalanenku Kam me ngenca kulebuh cikepNdu tanku nteguh 2) Kam bentengku si paguh Gia musuhku ngupuh Amin mar ape nderpa La aku bera-bera Reff : 3) Seh de paksa sipatku Tuhan tetap temanku Lalap malem ateku Kam ngenca penampatku Reff : PEE NO. 120 “ TOTONTA BEGIKENNA “ 1) Totonta begikenNa Keleng ateNa kita Ertoto isuruhNa Em si ngena ateNa 2) Mbelin kal kuasaNa Ras perkuah ateNa Sipindo si erguna Lah terpuji gelarNa 3) Mberat itindih dosa Kam min si nampatisa Melikas ban darehNdu Tuhu terkelin aku 4) Useken min dameNdu Kuasai lah geluhku Kam me ulu geluhku Tuhan kap Penebusku 5) Iban keleng ateNdu Sikap tetap jingkangku Gelah seh ku rumahNdu Kam tetap penatahku 6) Peteguhi tendingki JanggaiNdu pe kulangku Nggeluh tah mate aku K’rinalah man gunaNdu Krinalah man gunaNdu PEE NO. 121 “ TUHAN E TUHU MELIAS “ 1) Tuhan e tuhu melias Perkuah Ia rbanca kita mejuah-juah Ia me si erbanca ukur si m’riah Yesus e si njadiken kita ‘rbuah 2) Yesus e teman nggeluh suari-berngi KuasaNa labo kapen tersibari BiakNa bali me kap nderbih gundari Yesus e si nampati ras ngkawali 3) Ersaksi kita kerina o, teman Turiken kebenaren kata Tuhan Terkelin kerina si nggit ernalem Tuhu kal kita jumpa ate malem 4) Kita enda k’rina teman Dibata KataNa sipakeken bas geluhta Kita enda k’rina t’rang doni enda Kita enda erguna man temanta 5) Sitegu k’rina temanta si kote Sibaba ku Tuhan ukurna jore Darami biri-biri la bas karang Taruhken ku rarasen jumpa senang 6) Apulilah teman si ‘rceda ate Terapuli pusuhna si getten ndube Si tatang-tatangen bas geluh enda Megegeh jadina kita kerina 7) DameNa ijujurkenNa man banta Malemkal ateta jine ibanNa Simpar kal pasu-pasu b’reNa banta Tuhan e ulu k’rina si erguna PEE NO. 122 “ TUHAN KAP SI EMPUNA GELUHTA “ 1. Tuhan kap si empuna geluhta Gegehta Ia si merekenca Kiniteken peras pemetehta E pe ia si njujurkenca Ia kap erbanca kita sangap Tetaplah man Ia kita ngarap Di reh susah breNa serpang pulah Tendi kula mejuah-juah 2. Dage tetaplah bulat ukurta Geluhta pe lalap min erguna Lagu langkah pe la sia-sia Gelar Tuhanlah ermulia Adi jumpa kita si mesera Pengarapen ula kal min pera Kune riah ukur kita jumpa Nehken bujur ula kal lupa PEE NO. 123 “ TUHANKU SI NGATURKENCA “ 1. Tuhanku si ngaturkenca Tuhanku si ngajarisa Tuhanku jadi gurungku Ibas kerina geluhku 2. La lit ngasup la gegehku Ndalani wari-waringku Tundalenku kap Dibata Si perkuah ras erkuasa 3. Kune lit percuban ngupuh Minter Tuhan si kulebuh Lah aku ipegegehi Si jahat pe kusilahi 4. Mbue gia perbebenku Kempat Tuhan aku ngadu Keleng kap atena aku dengkehkenNa pertotonku PEE NO. 124 “ TUHAN SI NEMANI GELUHKU “ 1. Tuhan si nemani geluhku Bas paksa susah tah senang pe Enggo tetap kal mejingkangku Perban Yesus penampatku pe 2. Tuhan si nemani geluhku Bas paksa sakit tah sehat pe Keleng ateNa mbelin tuhu Pasu-pasuna tangkas jine 3. Tuhan si nemani geluhku Bas paksa tangis tah m’riah pe Saber ras megenggeng me aku Pusuhku nggo malem ras dame PEE NO. 125 “ TUHAN YESUS KAP DALANNA “ 1. Tuhan Yesus kap dalanNa Ku bas Surga rumah Bapa La lit si deban sekatan Ia Si mabai kita ku bas kemulianNa Gelah tetap kita ras Ia 2. Tuhan Yesus kap gurunta Si ngajari kita k’rina Alu kuasa bage pe KesahNa IbabaiNa ku bas kebenarenNa Gelah rembak kita ras Ia 3. Tetaplah kinitekenta Seh ku bas ujung geluhta Mbelin me kapen perulihenta Ndatken rudang kegeluhen mulia Mulia kapen rasa lalap PEE NO. 126 “ ULU TUAH KAM KUSEMBAH “ 1. Kam kusembah, ulu tuah, ajar aku megelah Lah nurihi pujin kami, lalap la ‘rngadi-ngadi Lias ras keleng ateNdu jujurkenNdu man bangku Nteguh paguh la terundu kuasa ras muliaNdu 2. Tetap aku daramiNdu ban tedehNdu man bangku Suari berngi ijagaiNdu, mbelin kal ke- k’lengenNdu Di reh susah ndumpang aku erlebuh aku banNdu Minter nusur penampatNdu erban teneng tendingku 3. Pasu-pasu surge nari kugejap tiap wari Kepentaren berekenNdu nehken sura-suraNdu PakekenNdu lah min aku jadi persuruhenNdu Jenda aku, suruh aku nehken kekelengenNdu PEE NO. 127 “ WARI ENDA WARI BADIA “ 1. Wari enda wari Badia Wari meriah jumpa ras Dibata Gia melalanduu be dahinta Nembah man baNa ula kita lupa Reff : Wari-warinta Tuhan empuna Geluhta pe Ia kap si njayamsa Geluhta pe Ia kap si njayamsa 2. Melala gia dahin ertima Tedeh ateta jumpa ras Dibata Si rnalem baNa isampatiNa Malem nanamna di rembak ras Ia Reff : 3. Latih susah lit tapi wari Tuhan perkuah sikap ngelayasi K’rina si nasa I empuna Si ‘ndesken baNa ukur ras geluhta Reff : PEE NO. 128 “ YESUS, KAM TUHANKU “ 1. Yesus, Kam Tuhanku Kristus Penebusku La tersipat i k’leng ateNdu I persembahkenNdu Dareh ras kesahNdu Em lako nebusi dosangku 2. Amin Kam mulia Dingen erkuasa Tapi meteruk kal ukurNdu Kam iuru-uru E pe igengkenNdu La sitik pe isubukiNdu 3. Yesus Kam Gurungku AjariNdu aku ‘Lah ngasup ‘ngkelengi imbangku Kam me usihenku Kam me penampatku ‘Lah ngasup mersan persilangku PEE NO. 129 “ YESUS TUHANKU, KAM ULU GELUHKU “ 1. Yesus Tuhanku Kam ulu geluhku Yesus Tuhanku Kam ulu geluhku Mambur darehNdu si murih i dosangku BrekenNdu bangku g’luh si tuhu-tuhu Geluh simbaru simpar pasu-pasu Geluh simbaru simpar pasu-pasu 2. Gelah geluhku damai ras badia Gelah geluhku damai ras badia Kesah Tuhan si ringan njagaisa ‘Di mara nderpa mberat ras mesera Ukur la pera, saber la kutera Uku la pera, saber la kuture 3. Kerajaan Surga ras kebenarenNa Kerajaan Surga ras kebenarenNa Tetap erpala me aku ndaramisa Ukur si jahat tetap kuolangi Erta doni enda la kal kumorahi Erta doni enda la kal kumorahi PEE NO. 130 “ YESUS LAPE-LAPE TENDINGKU “ 1. Yesus lape-lape tendingku Ia njagai kita Mberat pe si man tangkelenta Ia njagai kita Reff : Tuhan njagai kita Paksa senang tah mesera I a njagai kita Tuhan njagai kita 2. I bas melala perbebenta Ia njagai kita Dalan gelap arah lebenta Ia njagai kita Reff : 3. Adina reh kenca percuban Tuhan njagai kita Amin gia taneh meturben Tuhan njagai kita Reff : 4. Ia me si njayam geluhta Tuhan njagai kita Pertotonta ibegikenNa Ia njagai kita Reff : 5. Anem sidauhen inganta Tuhan njagai kita Ernalem tetap man Dibata Tuhan njagai kita Reff

Lanjutkan Membaca